பெரும் பயம் கிடந்த நெஞ்சினர் - மிகுந்த பயம் செறிந்த
உள்ளத்தவர்களாய்; பணி என்னை கொல் என - கட்டளை யாதோ
என்று; கின்னரர் - கின்னர வேந்தர்; இறைஞ்சுகின்றனர் - வணங்கி
நிற்கவும்.... கின்னரர் - கின்னரம் என்னும் இசைக் கருவி வாசிக்கும் தேவ
இனத்தவர். 10 | 3077. | பிரகர நெடுந் திசைப்
பெருந் தண்டு ஏந்திய
கரதலத்து அண்ணலைக்
கண்ணின் நோக்கிய
நரகினர் ஆம் என,
நடுங்கும் நாவினர்,
உரகர்கள், தம் மனம்
உலைந்து சூழவே. |
பிரகர - (பாவியரைத்) தண்டனை புரியும்; நெடுந்திசை - (தெற்குப்)
பெருந்திசைக்குரிய; பெருந்தண்டு ஏந்திய கரதலத்து - பெரிய கால
தண்டம் ஏந்திய கரம் படைத்த; அண்ணலை - தலைவனாம் யமனை;
கண்ணின் நோக்கிய - கண்ணெதிரே கண்ட; நரகினர் ஆம் என -
நரகவாசிகள் போல; உரகர்கள் - நாகராசர்கள்; தம் மனம் உலைந்து -
தம் உள்ளம் சோர்ந்து; நடுங்கும் நாவினர் - (இராவணைக் கண்டு) வாய்
குழறியவர்களாய்; சூழவே - சூழ்ந்து நிற்கவும்....(ஏ - அசை). ப்ரஹரம் - அடித்தல் எனும் பொருள் உடைய வட சொல். இராவணனின் கொடுமை உணர்த்த எமன்என்றார். 11 | 3078. | திசை உறு கரிகளைச்
செற்று, தேவனும்
வசையுறக் கயிலையை மறித்து,
வான் எலாம்
அசைவுறப் புரந்தரன்
அடர்த்த தோள்களின்
இசையினைத் தும்புரு
இசையின் ஏத்தவே. |
திசை உறு கரிகளை - எட்டுத் திக்குகளிலும் உள்ள யானைகளை
(திக்கயங்களை); செற்று - வென்று; தேவனும் வசையுற - சிவபெருமானும்
பழியேற்கும்படி; கயிலையை மறித்து - மேரு மலையைப் பெயர்த்து;
வானெலாம் அசைவுற - விண்ணுலகம் நடுங்க; புரந்தரன் அடர்த்த -
இந்திரனை நெருங்கிப் போரிட்ட; தோள்களின் - (இருபது) தோள்களினது; |