கலந்து; மேகம் என் துருத்தி கொண்டு - முகில்களாகிற வீசு குழலில்
எடுத்துக் கொண்டு; மகர வேலைக் காவலன் - சுறா மீன்கள் நிரம்பிய
கடலுக்குத் தலைவனாகிய வருணன்; நவ்வித் தோகையர் துகிலில் தோயும்-
(இராவணன் அவையிலுள்ள) மானும் மயிலும் போன்ற மகளிரது
ஆடைகளில் படியும்; என்பது ஓர் துணுக்கத்தோடும் - என்னும் ஓர்
அச்சத்தோடு; சீகரம் சிந்த - சிறு துளிகளாகச் சிதறவும்........(மன்; ஓ -
அசைகள்). தரு, நாகம் என்பன மரங்கள்; இங்கு முதலாகு பெயர்களாய்
மலர்களைச் சுட்டின. அவைக்களத்திலுள்ள மகளிர் ஆடையை
நனைத்துவிடுமோ என்று அஞ்சினான். இப்பாடல் முதல் ஆறு கவிகள் நீர்க்
கடவுள் முதலியோர் நீர் தெளித்தல் முதலிய பணிவிடைகள் செய்தலைக்
கூறும்.14 | 3081. | நறை மலர்த் தாதும் தேனும்,
நளிர் நெடு மகுட கோடி
முறை முறை அறையச் சிந்தி
முரிந்து உகும் மணியும் முத்தும்
தறையிடை உகாதமுன்னம் தாங்கினன்
தழுவி வாங்கி,
துறைதொறும் தொடர்ந்து நின்று, சமீரணன்
துடைப்ப மன்னோ, |
நறைமலர் - நறுமண மலர்களினின்றும் (சிந்துகிற); தாதும் தேனும் -
மகரந்தமும், தேனும்; நளிர் நெடு மகுட கோடி - ('அவையினைச் சார்ந்து
வந்த அரசர்களின்) பெரிய உயர்ந்த கிரீடத் தொகுதிகள்; முறை முறை
அறைய - (நெரிசலால்) ஒன்றோடொன்று உராய்ந்து கொள்ளுதலால்;
முரிந்து சிந்தி உகும் - சேத முற்று சிந்திச் சிதறும்; மணியும் முத்தும் -
மாணிக்கங்களும் முத்துக்களும்; தறையிடை உகாத முன்னம் - தரையில்
விழும் முன்னரே; சமீரணன் - வாயுவாகிய காற்றுக் கடவுள்; தழுவித்
தாங்கினன் வாங்கி - ஆங்காங்கு சென்று ஏந்தியெடுத்து; துறை தொறும்
தொடர்ந்து நின்று - (மண்டபத்தின்) ஒவ்வோர் இடத்திலும் விடாது
சென்று நின்று; துடைப்ப - அவ்விடங்களை மாசுபடாமல் தூய்மை
செய்யவும்..... (மன்; ஓ - அசைகள்). இராவணன் அவையில் குப்பையாக விழுவன மலர் மகரந்தமும்
மணிகளுமே ஆகும் எனவும், அவையும் உடனுக்குடன் தூய்மை
செய்யப்பட்டன எனவும் கூறப்பட்டன.15 கலிவிருத்தம் | 3082. | மின்னுடை வேத்திரக்
கையர், மெய் புகத் |
|