கன்றான நந்தினியும்; நிதிகள் - சங்கம், பதுமம், மகாபதுமம், மகரம்,
கச்சபம், முகுந்தம், குந்தம், நீலம், வரம் என ஒன்பது.                19

    குண்டலம் முதலிய - குண்டலம் தொடங்கி அமைந்த; குலம் கொள்
பேரணி - பல்வேறு வகையினவாகிய சிறந்த அணிகலன்கள்; மண்டிய
பேர் ஒளி - திரண்ட மிக்க ஒளியை; வயங்கி வீசலால் - (எங்கும்)
விளங்கும்படி வீசுவதால்; இனி உலகம் ஏழினும் - இனி மேல் ஏழு
உலகங்களிலும்; இரவு உண்டு கொல் - இருள் செறிந்த பொழுதும்
உண்டாகுமோ?; எண்திசை மருங்கினும் - எட்டுத் திக்குகளின்
பக்கங்களிலும்; இருள் இன்று என்ன - இருள் காண முடியவில்லையே
என்று கூறும் படியாகவும்.....(ஏ - அசை).

     ஏழு உலகமாவன - பூலோகம், புவர்லோகம், சுவர்லோகம், மகர்
லோகம், ஜன லோகம், தபோ லோகம், சத்ய லோகம் என மேல் ஏழும்,
அதல, விதல, கதல, தராதல ரசாதல, மகாதல, பாதலம் எனக் கீழ் ஏழுமாம்.
 20

    கங்கையே முதலிய - கங்கை தொடங்கியமைந்த; கடவுட் கன்னியர்-
(புண்ணிய தீர்த்தங்களாகிற) தெய்வப் பெண்கள்; கொங்கைகள் சுமந்து -
பருத்த தனங்கள் தாங்கிய; இடைகொடியின் ஒல்கிட - தம் இடை கொடி
போல் துவள நின்று; செங்கையில் அரிசியும் மலரும் சிந்தினர் - சிவந்த
கைகளில் ஏந்திய மங்கல அரிசியையும் மலர்களையும் (இராவணன் மேல்)
தூவினராகி; முறை - வரிசையாக; மங்கல மொழி கூறி வாழ்த்த - மங்கல
மொழிகள் கூறி வாழ்த்தவும்......(ஏ - அசை).21