இன்னது கூறுவதென அறியாது; அசனி ஆம் என இரைத்தனர் - இடி
முழக்கம் போலக் கதறி ஒலி செய்து; கரத்தொடு கரங்களைப் புடைத்து -
கைகளோடு கைகளை அறைந்து கொண்டு; கண்களில் நெருப்பு எழ
விழித்து - கண்களில் நெருப்புப் பொறி பறக்க விழித்துப் பார்த்து; வாய்
மடித்து நிற்கின்றார் - உதட்டைக் கடித்துக் கொண்டு நின்றார்கள்.    27

    சிலர் - அரக்கர் சிலர்; அந்தரம் - தீமையானது; இந்திரன்
மேலதோ - தேவேந்திரன் மீதில் அமையுமோ?; உலகம் ஈன்ற பேர்
அந்தணன் மேலதோ - உலகைப் படைத்த பிரமன்மீதில் அமையுமோ?;
ஆழியானதோ - சக்கரப்படை கொண்ட திருமால் மீதில் அமையுமோ?;
சந்திர மௌலிபால் தங்குமே கொலோ - சந்திரனை முடியில் தரித்த
சிவனிடத்தில் தங்கி அமையுமோ?; என்று நின்று அழல்கின்றார் - என்று
சொல்லி நின்று மனக் கொதிப்புற்றார்கள்.

     சந்திரமௌலி - வேற்றுமைத் தொகைப் புறத்துப் பிறந்த அன்மொழித்
தொகை. ஆழியான் என்னும் சொற்கு பாற் கடலிடத்தான் என்றும்
நீலக்கடல் போலும் மேனியான் என்றும் பொருள் கூறலாம்.            28

    செப்புறற்கு உரியவர் தெவ்வர் - குறித்துச் சொல்லத்தக்க பகைவர்;
யார் உளர்? - (இராவணனுக்கு) யாவர் உள்ளார்?; முப்புறத்து உலகமும்
அடங்க மூடிய - மூவகை உலகம் முற்றிலும் உள்ளடங்கும் படி கவிந்த;
இப்புறத்து அண்டத்தோர்க்கு - இவ்வண்ட கோளத்தில் உள்ளவர்களுக்கு;