எவரேனும் இத்தகைய பைத்தியக்காரச் செயலைச் செய்யவும்
துணிந்தனரோ?; பிழைப்பு இல் சூழ்ச்சியார் - (அவ்வாறு செய்திருப்பின்)
பிழைத்து வாழும் ஆலோசனை அற்றவர்களாய்; முத்திறத்து
உலகையும் முடிக்க எண்ணுவார் - (தாம் மட்டுமன்றி) மூவகை
உலகங்களையும் அழித்தொழிக்க எண்ணியவர்களாய்; இத்திறம்
புணர்த்தனர் - இவ்வாறு அழிவைத் தரும் செயல் செய்தனர் போலும்;
என்கின்றார் சிலர் - எனச் சில அரக்கர் கூறலாயினர்.

     பித்துற்றார் பேரழிவை அறியாராய் இவ்வாறு செய்திருக்கலாம் எனச்
சிலர் கருதினர்.                                              33

    இனி ஒரு கற்பம் உண்டு என்னின் அன்றியே - இனி வேறொரு
ஊழிக்காலம் உண்டானால் அன்றி; வனை கழல் வயங்கு வாள் -
புனைந்த வீரக் கழலையும், விளங்கும் வாளையும் உடைய; வீரர்
வல்லரோ? - (இந்நாளில் வாழும்) வீரர் இச் செயல் செய்ய வல்லமை
உடையவர்களோ? (இலர்); (ஆதலால்); பனி வரும் கானிடை - அச்சம்
உண்டாகும் காட்டில்; பழிப்பில் நோன்புடை முனிவரர் - குற்றமற்ற
தவம்செய்யும் தவசிகள் கொண்ட; வெகுளியின் முடிபு - சினத்தின்
விளைவேயாகும்; என்றார் சிலர் - என்று சிலர் கூறினார்கள்.

     கற்பம் - ஊழிக்காலம்;                                  34

    கரை அரு திரு நகர் - கடற் கரையில் அரிதின் அமைந்த செல்வம்
மிக்க இலங்கையின்; கருங்கண் நங்கைமார் - கரிய கண்கள் கொண்ட