வெள்ளமும் நாண்உற - பெருங்கடலும் தோற்றுப்போகும் படி;
விரிந்த கண்ணினார் - விரிந்த கண்களையுடைய அரக்க மகளிர்;
கள்ளுடை வள்ளமும் - (தாம் அருந்தும்) மதுக் கிண்ணங்களும்; களித்த
தும்பியும் - மதுவை மொய்த்து ஆரவாரிக்கும் வண்டுகளும்; உள்ளமும் -
மதுவில் ஈடுபட்ட மனமும் (ஆகியவற்றை); ஒருவழிக் கிடக்க - ஒரு
புறத்திலே விட்டு விட்டு; ஓடினார் - ஓடிச் சென்றார்; தள்ளுறும்
மருங்கினர் - துவண்ட இடையினை உடையராய்; தழீஇக் கொண்டு
ஏகினார் - (ஒருவரை யொருவர்) தழுவிக் கொண்டு செல்லலாயினர். இனி, சூர்ப்பணகை நிலை கண்டு கண்ணீர் வெள்ளம் பொழிந்த
கண்களோடு, மது முதலியவற்றை ஒதுக்கிவிட்டு, அவளைத் தழுவிச்
சென்றனர் எனவும் கூறுவர். 37 | 3104. | நாந்தக உழவர்மேல்
நாடும் தண்டத்தர்,
காந்திய மனத்தினர்,
புலவி கைம்மிகச்
சேந்த கண் அதிகமும்
சிவந்து நீர் உக,
வேந்தனுக்கு இளையவள்
தாளில் வீழ்ந்தனர். |
(வேறு சில பெண்கள்); நாந்தக உழவர் மேல் - வாள் உழவரான
தம் கணவர்மேல்; நாடும் தண்டத்தர் - (ஊடல் காரணமாக) தண்டனை தர
விரும்பியவர்களாய்; காந்திய மனத்தினர் - எரியும் நெஞ்சினராய்; புலவி
கைம்மிக - ஊடல் மிகக் கொண்டு; சேந்த கண், - சினத்தால் சிவந்த
கண்கள்; அதிகமும் சிவந்து நீர் உக - (இப்போது சூர்ப்பணகையைக்
கண்டு) மேலும் கலங்கிச் சிவந்து கண்ணீர் சிந்த; வேந்தனுக்கு
இளையவள் - இராவணன் தங்கையின்; தாளில் வீழ்ந்தனர் - பாதங்களில்
வீழ்ந்தனர். 38 | 3105. | பொன்-தலை மரகதப்
பூகம் நேர்வு உறச்
சுற்றிய மணிவடம்
தூங்கும் ஊசலின்
முற்றிய ஆடலில்
முனிவுற்று ஏங்கினார்,
சிற்றிடை அலமரத்
தெருவு சேர்கின்றார். |
|