நெய்ந்நிலைய வேல் அரசன் - நெய் பூசி அழகு செய்யப் பெற்ற
வேலேந்திய அரசனும்; நேருநரை இல்லான் - தனக்கு எதிராக நிற்பார்
எவரும் இல்லாதவனும் (ஆகிய இராவணன்); இந்நிலை உணர்ந்த பொழுது-
(சூர்ப்பணகைக்கு உற்ற) இக் கொடிய நிலையினை அறியுங்கால்;
எந்நிலையம் என்னா - எத்தகைய மனநிலை கொள்ள நேருமோ என்று;
மைந்நிலை நெடுங்கண் - மை நிலைபெற்ற தம் பெரிய கண்களில்; மழை
வான் நிலையது ஆக - பொழியும் கண்ணீர் மேகம் சொரியும் மழையை
நிகர்த்ததாக; பொய்ந் நிலை மருங்கினர் - பொய்யோ என்னும் இடை
படைத்த பெண்கள்; புலம்பினர், புரண்டார் - அழுது கீழே விழுந்து
புரண்டனர். இடையின் மென்மையை உயர்வு நவிற்சியாகப் பொய்யான இடை
என்று மொழிந்தார். (3606 வரையிலும் உள்ளது போலவே 3107 முதல் 3128
முடியுமளவு உள்ளனவும் கலிவிருத்தங்களே எனினும் சீரின் அசைகள் வேறு
அமைப்புடையன). 41 | 3108. | மனந்தலை வரும் கனவின்
இன் சுவை மறந்தார்;
கனம் தலை வரும் குழல்
சரிந்து, கலை சோர,
நனந் தலைய கொங்கைகள்
ததும்பிட, நடந்தார்;-
அனந்தர் இள மங்கையர்-
அழுங்கி அயர்கின்றார். |
அனந்தர் இள மங்கையர் - துயில் கொண்டிருந்த இளம் பெண்கள்
சிலர்; மனம் தலை வரும் கனவின் இன்சுவை மறந்தார் -
(சூர்ப்பணகையின் அழுகை கேட்டு) மனத்தின் இடத்தே உண்டான
கனவினால் விளையும் இனிய இன்பத்தையும் மறந்து போனவர்களாய்; கனம்
தலை வரும் குழல் சரிந்து - முகிலென அமைந்த கூந்தல்
சரிந்தவர்களாய்; கலை சோர - ஆடை கலைந்தவர்களாய்; நனந் தலைய
கொங்கைகள் ததும்பிட - விரிந்தமைந்த மார்பகங்கள் அசைய; நடந்தார்
- நடக்கலாயினர்; அழுங்கி அயர்கின்றார் - வருத்தம் ஓங்க
மயங்கலாயினர். மனந்தலை - மனத்தலை என்பதன் மெலித்தல் விகாரம். கனம் மேகம்
என்னும் பொருளினது. 42 | 3109. | 'அங்கையின் அரன் கயிலை
கொண்ட திறல் ஐயன்
தங்கை நிலை இங்கு இதுகொல்?'
என்று, தளர்கின்றார்; |
|