இராவணன் அடிகளில் சூர்ப்பணகை விழுதல்

    என்று இனைய வன் துயர் - இவ்வாறான பெருந்துயரத்தை;
இலங்கை நகர் எய்த - இலங்கை நகர மக்கள் எய்தவும்; நின்றவர்
இருந்தவரொடு ஓடு நெறி தேட - அமர்ந்திருந்தவரும், நின்றிருந்தவரும்
ஓடுதற்கு வழி பார்க்கவும்; குன்றின் அடி வந்துபடி கொண்டல் என -
மலையடிவாரம் நாடிச் சேர்ந்த மேகத்திரளைப் போல; (சூர்ப்பணகை) ;
மன்னன் பொன் திணி கருங்கழல் - அரசன் இராவணனுடைய
பொன்னாலாகிய வீரக்கழல் அணிந்த கரிய பாதங்களில்; விழுந்தனள்
புரண்டாள் - வந்து வீழ்ந்து உருண்டாள்.

     இராவணன் சீற்றம் கொள்ளும் போது தாங்க ஒண்ணாதென ஓடக்
கருதினர் மக்கள். உவமையணி. இராவணன் - குன்று; சூர்ப்பணகை -
கருமேகம். கருங் கழல் - பாதத்துக்கு அன்மொழித்தொகை.45

    மூஉலகும் முற்ற - மூன்று உலகங்கள் முழுவதிலும்; இருட் படலம்
மூடினது - இருள் செறிந்து கவிந்தது; சேடனும் - பூமி தாங்கும் ஆதி
சேடனும்; வெருக்கொடு - அச்சம் கொண்டு; சிரத்தொகை நெளித்தான் -
தன் ஆயிரம் தலைகளையும் ஒடுக்கினான்; குலக்கிரி ஆடின - மலைத்
தொகுதிகள் இடம் பெயர்ந்தன; அருக்கனும் அயிர்த்தான் - சூரியனும்
தனக்கு ஏதேனும் கேடு வருமோ என ஐயப்பட்டான்; திசைக்கரிகள் ஓடின-
திக்கு யானைகள் அஞ்சி ஓடின; உம்பரும் ஒளித்தார் - தேவர்களும்
வெருண்டு ஓடி ஒளிந்தனர்.