ஐயா - ஐயனே; ஓர் உலகில் வாழ்வார் - ஒரே உலகின்கண்
வாழ்கின்றவர்களாய்; இருவர் மாரர் உளரே? - இரண்டு மன்மதர்கள்
இருக்கின்றார்களா?; அவரின் வில்லதனில் வல்லார் - அவர்களைக்
காட்டிலும் வில் வலிமையில் வல்லவர்; வீரர் உளரே - (வேறு) வீரர்களும்
இருக்கின்றார்களா?; ஒருவர் அன்னவரை ஒப்பவர்கள் ஆர் -
அவர்களுக்குச் சமானமாக உள்ளவர் எவரேனும் உண்டா?; ஓர் ஒருவரே
இறைவர் மூவரையும் ஒப்பார் - அவர்களில் ஒவ்வொருவருமே
மும்மூர்த்திகளுக்கு நிகரானவர்களாய் இருப்பார்கள். மும்மூர்த்திகளும் சேர்ந்தால் இவர்களில் ஒருவருக்குச் சமமாவர் என
இவர்களை உயர்த்திக் கூறினாள்.55 | 3122. | "ஆறு மனம் அஞ்சினம், அரக்கரை"
எனச் சென்று
ஏறு நெறி அந்தணர் இயம்ப,
"உலகு எல்லாம்
வேறும்" எனும் நுங்கள் குலம்,
"வேரொடும் அடங்கக்
கோறும்" என, முந்தை ஒரு
சூளுறவு கொண்டார். |
ஏறு நெறி அந்தணர் - மேலான நெறியில் வாழும் முனிவர்கள்;
ஆறுமனம் அஞ்சினம் அரக்கரை - அடக்கம் மிக்க எங்கள் மனம்
அரக்கர்களைக் கண்டு அஞ்சுகிறது; எனச் சென்று இயம்ப - என்று
(அம்மானிடரிடம்) சென்று சொல்லவும் (அம்மனிதர்கள்); உலகு எல்லாம்
வேறும் எனும் - அனைத்து உலகங்களையும் நாங்கள் வெல்வோம் என்று
கூறும்; நுங்கள் குலம் - அரக்கர்களாகிய உங்கள் வமிசத்தை; வேரொடும்
அடங்கக் கோறும் என - வேரோடு அழித்து முடிப்போம் என்று; முந்தை
ஒரு சூளுறவு கொண்டார் - முன்பு ஒரு சபதம் செய்துள்ளனர். அகத்தியப் படலத்தில் முனிவர்க்கு அபயம் தந்த செயல்
கூறப்பட்டுள்ளது. ஆறு மனம் - வினைத் தொகை. 56 | 3123. | 'தராவலய நேமி உழவன்,
தயரதப் பேர்ப்
பராவ அரு நலத்து ஒருவன்,
மைந்தர்; பழி இல்லார்;
விராவ அரு வனத்து, அவன்
விளம்ப, உறைகின்றார்;
இராமனும் இலக்குவனும் என்பர்,
பெயர்' என்றாள். |
|