அசோக வனத்துச் சிறைக்கு முன்பே மனச்சிறையில் வைத்தான் என
நயம்பட உரைத்தார்.                                          85

    விதியது வலியினாலும் - ஊழ்வினையின் ஆற்றலினாலும்; மேல்
உள விளைவினாலும் - இனிமேல் அதனால் உண்டாக இருக்கிற
பயன்களாலும்; பதி உறு கேடு வந்து குறுகிய பயத்தினாலும் - இலங்கை
மா நகருக்கு அழிவுக்குரிய நிலை ஏற்பட்டு நெருங்கியுள்ள பலன்களாலும்;
கதி உறு பொறியின் - விரைவாய் உற்று பொறிகளின் வழியே; வெய்ய
காம நோய் - (இராவணனைப் பற்றிய) கொடிய காம நோயானது; கல்வி
நோக்கா மதியிலி - கல்வி அறிவு அற்ற அறிவிலி ஒருவன்; மறையச்
செய்த தீமை போல் - யாருமறியாமல் மறைவாகச் செய்த கெடுதி போல;
வளர்ந்தது - ஓங்கிப் பெருகியது; அன்றே - அசை.

     வேதவதி சாபம், வானரங்களால் இலங்கை அழிய வேண்டுமென நந்தி
இட்ட சாபம் முதலியனவெல்லாம் நிறைவேறத் தக்க காலம் நெருங்கியது.
ஞானமற்றவன் மறைவாகச் செய்த தீங்கும் விரைவாக வெளிப்படும் என்பது
தோன்றக் கூறினார்.                                            86

    பொன்மயமான நங்கை - (அழகு மிகுதியினால்) பொன்னின் ஒளி
சூழும் எழிலுடைய சீதை; மனம் புக - மனத்தில் புகுந்துவிட்டதனால்;
புன்மை பூண்ட தன்மையோ - (இராவணன்) இழிவடைந்து விட்டானோ?
(அல்லது); அரக்கன் - அவ்விராவணன்; தன்னை அயர்த்ததோர்
தகைமையாலோ - தனக்குத் தானே மறந்துவிட்டதாகிய தன்மையினாலோ;