மன்மதன் வாளி தூவி - மன்மதன் அம்புகள் ஏவி; நலிவது ஓர்
வலத்தன் ஆனான் - (இராவணனுக்கு) வருத்தம் தரும்
வல்லமையுடையவன் ஆனான்; வன்மையை மாற்றும் ஆற்றல் -
ஒருவனுடைய வீரத்தை அழிக்கும் திறமை; காமத்தே வதிந்தது அன்றே -
காமத்தின் பால் பொருந்திற்று அன்றோ?

     வீராதி வீரனையும் வீழ்த்த எளிய மலரம்புகளே காரணமாயின என
உணர்த்தினார்.                                              87

    இருக்கை நின்று எழுந்தனன் - (இராவணன்) தான் வீற்றிருந்த
அரியாசனத்தினின்றும் எழுந்தான்; ஆண்டு - அப்பொழுது; ஏழ்
உலகத்துளோரும் - ஏழு உலகங்களிலும் இருப்பவர்களும்; ஆசி
மொழிந்தனர் - வாழ்த்துக்களைக் கூறினார்கள்; எங்கும் சங்கம் ஓசை
முழங்கின - எவ்விடத்தும் சங்குகள் ஒலி முழக்கம் செய்தன; பூவின் மாரி
பொழிந்தன - மலர் மழை பொழியலாயிற்று; புறத்தோர் எல்லாம்
போயினர் - அருகிருந்த பிறர் எல்லாம் அகன்று சென்றனர்; அழிந்து ஒழி
சிந்தையோடும் - (இராவணனும்) சிதைந்து குலைகிற மனத்தோடு; ஆடகக்
கோயில் புக்கான் - பொன் மாளிகையான (தன்) அரண்மனைக்கு
சென்றான்.

     ஆடகம் - நால் வகைப் பொன்னில் ஒருவகை. சாதரூபம், கிளிச்
சிறை, சாம்புநதம் என்பன பிற.                                 88

இராவணன் காம நோய் மேலும் முதிர்தல்