தெரிவிக்க; (அது கேட்ட இராவணன்); இங்கு இருது யாதும் ஆகாது -
இனி இங்கு எவ்வகைப் பருவ காலமும் வருதல் கூடாது; யாவையும்
அகற்றும் என்றான் - எல்லாப் பருவகாலங்களையும் நீக்கி விடுங்கள்' என
ஆணையிட்டான். அனைத்துப் பருவகாலங்களையும் அகன்று போகுமாறு
கட்டளையிட்டான் இராவணன். 102 | 3169. | என்னலும், இருது எல்லாம் ஏகின;
யாவும் தம்தம்
பன் அரும் பருவம் செய்யா,
யோகிபோல் பற்று நீத்த;
பின்னரும், உலகம் எல்லாம், பிணி
முதல் பாசம் வீசித்
துன் அருந் தவத்தின் எய்தும் துறக்கம்போல்,
தோன்றிற்று அன்றே. |
என்னலும் - என இராவணன் ஆணை பிறப்பித்ததும்; இருது
எல்லாம் ஏகின - எல்லாப் பருவங்களும் விலகிப் போயின; யாவும் -
ஆறு பருவ காலங்களும்; தம் தம் பன் அரும் பருவம் செய்யா - தத்
தமக்குரிய பருவ கால நிகழ்வுகளைச் செய்யாமல்; யோகி போல் பற்று
நீத்த - தனக்குள் ஒடுங்கும் தவசி போல் செயல்பாடுகளைக் கைவிட்டன;
பின்னரும் உலகம் எல்லாம் - அதன் பின்பு அனைத்துலகும்; பிணி
முதல் பாசம் வீசி - நோய் முதலிய வினைத் தொடர்புகளை ஒழித்து;
துன்னருந் தவத்தின் எய்தும் - செயற்கரிய தவத்தால் அடையத்தக்க;
துறக்கம் போல் தோன்றிற்று - முக்தி உலகம் போல் எவ்வித
மாறுபாடுமின்றி விளங்கலாயிற்று. அன்றே - ஈற்றசை. உலகம் செயலற்றுப் போன நிலையை இவ்வாறு கூறினார். இன்ப,
துன்பங்களுக்குக் காரணமாவன பருவங்கள். பருவங்கள்தொழிற்படாமையால்
இன்ப, துன்ப நிலைகளற்ற துறக்க உலகம் போலாயிற்றுஇலங்கை என்பது
கருத்து. 103 | 3170. | கூலத்து ஆர் உலகம் எல்லாம்
குளிர்ப்பொடு வெதுப்பும் நீங்க,
நீலத்து ஆர் அரக்கன் மேனி நெய்
இன்றி, எரிந்தது அன்றே-
காலத்தால் வருவது ஒன்றோ?
காமத்தால் கனலும் வெந் தீ |
|