அன்பரை - தம்மை மணந்த கணவர் தம்மை; புணர்ந்தவர் - அணைத்து
மகிழ்ந்தவர்; இடை ஒரு வெகுளி பொங்கலால் - கூடலிடையே தம்
கணவர்பால் கொண்ட ஊடலின் சினம் மீதூர்தலால்; கங்குல் வீந்தது -
இரவு முடிந்து போய் விட்டது; என்று உணர்ந்திலர் - என அறியாமற்
போயினர்; கனவினும் - உறக்கத்தில் எழும் கனவிலும்; ஊடல் தீர்ந்திலர்-
தம் ஊடல் நீங்காதவராய் விளங்கினர். விரைவில் நீங்கும் இரவென உணராமல் ஊடற்கோபம் தொடர
உறங்கினர் அரக்க மகளிர். 119 | 3186. | தள்ளுறும் உயிரினர்,
தலைவர் நீங்கலால்,
நள் இரவிடை உறும்
நடுக்கம் நீங்கலர்-
கொள்ளையின் அலர் கருங்
குவளை நாள்மலர்
கள் உகுவன என,
கலுழும் கண்ணினார். |
நள் இரவிடை - நடு இராத்திரியெனக் கருதத்தக்க வேளையில்;
தலைவர் நீங்கலால் - (விடிந்து போனதால்) தங்கள் கணவர் பிரிந்து
சென்றமையினால்; தள்ளுறும் உயிரினர் - உடல் விட்டு நீங்கும்
உயிரென்ற தன்மை உடையராய்; உறும் நடுக்கம் நீங்கலர் - மெய்யில்
ஏற்பட்ட நடுங்குதல் நீங்காதவராய் (அரக்க மகளிர் சிலர்); கொள்ளையின்
அலர் - மிகுதியாகச் செழித்து மலர்ந்த; கருங்குவளை நாள் மலர் - புதிய
கருங்குவளை மலர்கள்; கள் உகுவன என - தேன் சிந்துவன போன்று;
கலுழும் கண்ணினார் - கண்ணீர் பொழியும் கண்களை உடையார்
ஆயினர். இரவு நீங்கியதால் ஏற்பட்ட விசித்திர நிகழ்ச்சிகளில் ஒன்றாக
இதனைக் கூறினார். 120 | 3187. | அணைமலர்ச் சேக்கையுள்
ஆடல் தீர்ந்தனர்,
பணைகளைத் தழுவிய
பவள வல்லிபோல்,
இணை மலர்க் கைகளின்
இறுக, இன் உயிர்த்
துணைவரைத் தழுவினர்,
துயில்கின்றார் சிலர். |
சிலர் - மேலும் சில அரக்க மகளிர்; அணைமலர்ச் சேக்கையுள் -
பஞ்சு மெத்தை மேல் மலர் தூவிய படுக்கையில்; ஆடல் தீர்ந்தனர் - |