| | காண்டற்கு இனிதாய், பல
கந்து திரட்டல் ஆகி, |
ஆண்டு - ஆங்கு; அப்பிறை நீங்கலும் - அவ்விளம் பிறை
அகன்றதும்; தீண்டற்கு எளிதாய் - தொடுதற்கு எளிதானது போலவும்; பல
தேய்ப்பன தேய்க் கல் ஆகி - பல பொருள்களையும் தேய்க்கத் தக்க
பாறை போலவும்; வேண்டின் - விரும்பினால்; கரபத் திரத்து ஈர்த்து
விழுத்தல் ஆகி - வாளினால் அறுத்து வீழ்த்தலாம் தன்மை போலவும்;
காண்டற்கு இனிதாய் - பார்க்க இனியது போலவும்; பல கந்து திரட்டல்
ஆகி - பல தூண்களாகத் திரண்டது போலவும்; எய்தியது அந்தகாரம் -
இருட்டு வந்து சேர்ந்தது. இருளின் அடர்த்தியும் திண்மையும் உணர்த்தப் பெற்றன. 138 | 3205. | முருடு ஈர்ந்து உருட்டற்கு எளிது என்பது
என்? முற்றும் முற்றிப்
பொருள் தீங்கு இல் கேள்விச் சுடர்
புக்கு வழங்கல் இன்றிக்
குருடு ஈங்கு இது என்ன, குறிக்கொண்டு,
கண்ணோட்டம் குன்றி,
அருள் தீர்ந்த நெஞ்சின் கரிது
என்பது அவ் அந்தகாரம். |
முருடு ஈர்ந்து - (அவ்விருள்) திரட்சியான மரமென அறுக்கத்
தக்கதாகி; உருட்டற்கு எளிது என்பது என் - கம்பமாய் உருட்சி செய்யத்
தக்கதாய் எளிதாக அமைந்தது என்று சொல்லவும் வேண்டுமோ?; பொருள்
முற்றும் முற்றி - பொருள் அறிவு முழுமையாய் அடைந்து; தீங்கு இல்
கேள்விச் சுடர் - குற்றமற்ற கேள்விச் செல்வமாகிய ஒளி; புக்கு வழங்கல்
இன்றி - உட்புகுந்து வெளிச்சம் தராமல்; குருடு ஈங்கு இது என்ன -
இவ்வுலகில் மனக் குருடே உண்மையான குருடு எனும்படி; குறிக் கொண்டு-
அப் பெயருக்கு இலக்காகி; கண்ணோட்டம் குன்றி - அருள் நோக்குக்
குறைந்து; அருள் தீர்ந்த - அருள் அருகிப் போன; நெஞ்சின் - மனித
உள்ளத்தை விடவும்; அவ்வந்தகாரம் - அவ்விருளானது; கரிது என்பது -
கருமை என்று கூறத்தக்கதாம். அறிவொளி சாரா உள்ளத்தை இருளுக்கு உவமித்தார். 139 | 3206. | விள்ளாது செறிந்து இடை, மேல்
உற ஓங்கி, எங்கும்
நள்ளா இருள் வந்து, அகன்
ஞாலம் விழுங்கலோடும், |
|