| | கண்பால் உறும் மாயை
கவற்றுதல் கற்ற நம்மை,
மண்பாலெவரேகொல், விளைப்பவர்
மாயை?' என்றான். |
நான் கண்டது இது - நான் பார்த்த இவ்வடிவம்; பெண்பால் உரு -
பெண் வடிவமாகும்; பேதை - அறியாமை உடையவளே!; நீ ஈண்டு -
நீயோ இங்கு; எண்பாலும் இலாதது ஓர் - எண்ணத்தில் எங்கும்
கருதப்படாத ஒரு; ஆண் உரு என்றி - ஆண் வடிவம் என்று
கூறுகின்றாய்; என்னே - இது வியப்பாய் இருந்தது; கண்பால் உறும்
மாயை - கண்கள் நம்பும்படியான மாயச் செய்கை; கவற்றுதல் கற்ற
நம்மை - மயங்கும்படி செய்யவல்ல வித்தையாய்ப் பயின்ற நமக்கு;
மண்பால் - இவ்வுலகில்; மாயை விளைப்பவர் எவரே கொல் - மாயை
செய்தவர் யாராக இருக்கலாம்; என்றான் - என ஐயுற்று (இராவணன்)
மொழிந்தான். மாயையில் வல்ல நம்மையும் ஏமாற்றும் மாயை உண்டோ என்றான்.
ஒருவர் பெண் என்ன, இன்னொருவர் ஆண் என்ன விளைந்த மயக்கத்தை
இவ்வாறு குறித்தான். 150 | 3217. | 'ஊன்றும் உணர்வு அப்புறம்
ஒன்றினும் ஓடல் இன்றி,
ஆன்றும் உளது ஆம் நெடிது
ஆசை கனற்ற நின்றாய்க்கு
ஏன்று, உன் எதிரே, விழி
நோக்கும் இடங்கள்தோறும்,
தோன்றும், அனையாள்; இது தொல்
நெறித்து ஆகும்' என்றாள். |
'ஊன்றும் உணர்வு - (சீதையின் பால்) பதிந்து போன அறிவு;
அப்புறம் ஒன்றினும் ஓடல் இன்றி - வேறு எதனினும் சென்று தங்காமல்;
ஆன்றும் உளது ஆம் நெடிது ஆசை - மிக வளர்ந்துவிட்ட பெரிய
காமம்; கனற்ற நின்றாய்க்கு - வெப்ப மூட்ட விளங்கும் உனக்கு; ஏன்று -
பொருந்தும்படி; உன் எதிரே விழி நோக்கும் இடங்கள் தோறும் - உன்
முன் கண்கள் பார்க்கும் இடமெல்லாம்; அனையாள் தோன்றும் - அவள்
உருவே தோன்றலாயிற்று; இது தொல் நெறித்து ஆகும் - இவ்வாறு
தோன்றுதல் பண்டு முதல் வழக்கமானது தான்; என்றாள் - என்று
சூர்ப்பணகை (சமாதானம்) கூறினாள். தொல்நெறித்து ஆகும் என்று இராவணனுக்குச் சொன்ன சிறுமை
தனக்கும் உரியது என்பதைச் சூர்ப்பணகை உணராதது குறிக்கத்தக்கது. 151 |