மலர்களாலும் சமைத்த; சீதளச் சேர்க்கை - குளிர்ச்சியான படுக்கை
அமைந்திருக்க; சார்ந்தான் - (அதனை இராவணன்) அடைந்தான். அமுதப் பாற்கடல் போன்றிருந்த பூந்தளிர்ப் படுக்கை, தவம் பலனை
எதிர் நோக்காது செய்யப்படுவது. ஆயினும் எதனையும் தரவல்லது.
இதனைத் 'கண்டல் இல் தவம்' என்றார். 162 தென்றலைச் சீறல் | 3229. | நேரிழை மகளிர் கூந்தல் நிறை
நறை வாசம் நீந்தி,
வேரி அம் சரளச் சோலை
வேனிலான் விருந்து செய்ய,
ஆர் கலி அழுவம் தந்த அமிழ்தென,
ஒருவர் ஆவி
தீரினும் உதவற்கு ஒத்த தென்றல்
வந்து இறுத்தது அன்றே. |
நேரிழை மகளிர் கூந்தல் - நல்ல அணிகலன்கள் அணிந்த
பெண்களின் கூந்தலில்; நிறை நறை வாசம் நீந்தி - நிறைந்த (மலர்களின்)
தேனும் மணமும் தோய்ந்து; வேரி அம் சரளச் சோலை - நறுமணம்
நிரம்பிய அழகிய இனிய சோலைகளில்; வேனிலான் விருந்து செய்ய -
மன்மதனுக்கு விருந்து வைக்கும் முகத்தான்; ஆர்கலி அழுவம் தந்த
அமிழ்தென - ஓசைமிக்க கடல் உவந்தளித்த அமுதம் போன்றதும்;
ஒருவர் ஆவி தீரினும் - ஒருவர் உயிர் போகும் பொழுதிலும்; உதவற்கு
ஒத்த - அதனை மீட்டுத் தர வல்லதான; தென்றல் - தென்றற் காற்று;
வந்து இறுத்தது - அங்கு வந்து சேர்ந்தது (அன்றே - அசை). உயிர் போகும் போதும் மீட்டுத் தரும் இனிய தென்றல் இங்கு
இராவணன் உயிரைப் பறிப்பது போல் வந்தது தோன்ற இவ்வாறு கூறினார்.
163 | 3230. | சாளரத்தூடு வந்து தவழ்தலும்,
தரித்தல் தேற்றான்;
நீள் அரத்தங்கள் சிந்தி, நெருப்பு
உக, நோக்கும் நீரான்;
வாழ் மனை புகுந்தது ஆண்டு ஓர்
மாசுணம் வரக் கண்டன்ன
கோள் உறக் கொதித்து விம்மி,
உழையரைக் கூவிச் சொன்னான்: |
நீள் அரத்தங்கள் சிந்தி - நெடிய இரத்தத் துளிகள் சிந்தி; நெருப்பு
உக - தீப்பொறிகளும் கக்கும்படி; நோக்கும் நீரான் - சினமுடன்
பார்க்கும் |