கண்கள் கொண்ட இராவணன்; சாளரத்தூடு வந்து தவழ்தலும் -
(தென்றல்) பலகணி வழியே வந்து பாயவும்; தரித்தல் தேற்றான் -
பொறுக்க இயலாதவனாய் ஆனான்; வாழ்மனை ஆண்டு - வாழும்
இல்லத்தின்கண்; ஓர் மாகணம் புகுந்தது வரக் கண்டன்ன - ஒரு மலைப்
பாம்பு நுழைந்து வரக் கண்டது போல்; கோள் உறக் கொதித்து - துன்பம்
கொண்டு சினமுற்று; விம்மி - கலங்கி; உழையரைக் கூவிச் சொன்னான்-
பணியாளரைக் கூப்பிட்டுப் பின் வருமாறு கூறினான். மலையினின்று வரும் மலய மாருதமான தென்றலை மலைப் பாம்பாகக்
குறிப்பிட்டார். தென்றல் என்றதற்கேற்ப அதன் அசைவினைத் தவழ்தல்
என்றார். 164 | 3231. | 'கூவலின் உயிர்த்த சில் நீர்
உலகினைக் குப்புற்றென்ன,
தேவரில் ஒருவன் என்னை
இன்னலும் செயத்தக்கானோ?
ஏவலின் அன்றி, தென்றல்
எவ் வழி எய்திற்று' என்னா,
'காவலின் உழையர்தம்மைக் கொணருதிர்
கடிதின்' என்றான். |
கூவலின் உயிர்த்த சில் நீர் - கிணற்றில் தோன்றிய சிறிதளவு
தண்ணீர்; உலகினைக் குப்புற்றென்ன - உலகத்தை மூழ்கடித்தது என்றாற்
போல; தேவரில் ஒருவன் - (எனக்கு ஆட்பட்ட) தேவரில் ஒருவனாகிய
வாயு; என்னை இன்னலும் செயத் தக்கானோ - எனக்கே தீமையும்
செய்ய வல்லவன் ஆகிவிட்டானோ; ஏவலின் அன்றி - என்
கட்டளையின்றி; தென்றல் எவ்வழி எய்திற்று - எவ்வாறு தென்றல் இங்கு
வந்தது; என்னா - என்று (இராவணன்) வினவி; காவலின் உழையர்
தம்மை - காவல் பணியாளர்களை; கடிதின் கொணருதிர் - விரைவாக
அழையுங்கள்; என்றான் - எனக் கூறினான். கிணற்று நீர் உலகை மூழ்கடித்தாற் போல ஒரு தேவன் எனக்கு
இன்னல் செய்தான் என்று ஏளனமாய் உரைத்தான் இராவணன். 165 | 3232. | அவ் வழி, உழையர் ஓடி, ஆண்டு
அவர்க் கொணர்தலோடும்,
வெவ் வழி அமைந்த செங் கண்
வெருவுற நோக்கி, வெய்யோன்,
'செவ் வழி, தென்றலோற்குத் திருத்தினிர்
நீர்கொல்?' என்ன, |
|