| | 'இவ்வழி இருந்த காலைத் தடை
அவற்கு இல்லை' என்றார். |
அவ்வழி - அது கேட்ட பொழுதில்; உழையர் - பணியாளர்; ஓடி -
ஓட்டமாய்ச் சென்று; ஆண்டு அவர்க் கொணர்தலோடும் - அங்கு அக்
காவலாளரை அழைத்து வரவும்; வெவ் வழி அமைந்த செங்கண்
வெருவுற நோக்கி - கொடுமை நிறைந்த சிவந்த கண்களால் (அக்காவலர்)
அஞ்சும்படி நோக்கி; வெய்யோன் - கோபம் மிக்கவனாகிய இராவணன்;
தென்றலோற்கு - தென்றல் காற்றுக்கு; செவ்வழி திருத்தினிர் நீர் கொல்
- நன்கு வழி அமைத்துக் கொடுத்தவர் நீங்கள் தாமோ; என்ன - என்று
(சின) வினா எழுப்பியதும்; 'இவ்வழி இருந்த காலை - தாங்கள் இவண்
எழுந்தருளும் பொழுதில்; தடை அவற்கு இல்லை - தென்றல் வரலாகாது
என்ற தடை உத்தரவு இல்லை'; என்றார் - என்று (பணிமொழி) பகர்ந்தனர். வாயிலை நாங்கள் காவல் காக்கிறோம். சன்னல் வழியே வருவதைத்
தடுத்தோம் இல்லை எனக் கூறலுமாம். 166 | 3233. | 'வேண்டிய நினைந்து செய்வான்
விண்ணவர் வருவது என்றால்,
மாண்டது போலும் கொள்கை,
யானுடை வன்மை? வல்லைத்
தேண்டி நீர் திசைகள்தோறும்
சேணுற விசையில் செல்குற்று
ஈண்டு இவன் தன்னைப் பற்றி,
இருஞ்சிறை இடுதிர்' என்றான். |
வேண்டிய நினைந்து செய்வான் - தாங்கள் விரும்பியவாறு
எண்ணிச் செயல்பட; விண்ணவர் வருவது என்றால் - தேவர்கள்
வருவார்கள் என்றால்; யானுடை வன்மைக் கொள்கை - என்னுடைய
ஆற்றற் கோட்பாடு; மாண்டது போலும் - அழிந்து போனது போலும்;
வல்லைத் தேண்டி - விரைவாக எங்கும் தேடி; திசைகள் தோறும் -
எட்டுத்திசைகளிலும்; வேணுற விசையில் செல்குற்று - தொலை
தூரங்களிலும் வேகமாய்ச் சென்று; இவன் தன்னைப் பற்றி - வாயு
தேவனைப் பிடித்து; நீர் - நீங்கள்; ஈண்டு இருஞ்சிறை இடுதிர் - இங்கே
பெருஞ்சிறைச் சாலையில் தள்ளுமின்; என்றான் - என்று இராவணன்
மொழிந்தான். காற்றைப் பிடித்துக் கடுஞ்சிறையில் இட இராவணன் ஆணையிட்டான்.
167 |