அமைச்சரோடு ஆராய்தலும் மாரீசனை அடைதலும் | 3234. | 'காற்றினோன்தன்னை வாளா
முனிதலின் கண்டது இல்லை;
கூற்றும் வந்து என்னை இன்னே
குறுகுமால், குறித்த ஆற்றால்
வேல் தரும் கருங் கட் சீதை மெய்
அருள் புனையேன்என்றால்;
ஆற்றலால் அடுத்தது எண்ணும் அமைச்சரைக்
கொணர்திர்' என்றான். |
காற்றினோன் தன்னை - வாயு பகவானை; வாளா - வறிதே;
முனிதலின் கண்டது இல்லை - சினப்பதனால் ஒரு பயனும் இல்லை;
குறித்த ஆற்றால் - நான் திட்டமிட்டபடி; வேல் தரும் கருங் கண்
சீதை- வேல் போலும் கரிய கண்களை உடைய சீதையின்; மெய் அருள்
புனையேன் என்றால் - உண்மையான அன்பை நான் அடைய
வில்லையெனில்; இன்னே - இப்பொழுதே; கூற்றும் வந்து என்னைக்
குறுகும் - காலனும் என்னை நெருங்கி வந்து விடுவான்; எனவே;
ஆற்றலால் அடுத்தது எண்ணும் - தம் வல்லமையால் வருங்காலத்தை
உணரவல்ல; அமைச்சரைக் கொணர்திர் - மந்திரிமார்களை அழைத்து
வாருங்கள்; என்றான் - என (இராவணன்) பணித்தான். ஆல் - அசை. என் வல்லமையால் சீதையைப் பெறவில்லையானால் காற்றைப்
போலவும் கூற்றும் துன்பம் செய்ய வந்து விடுவதில் வியப்பதற்கில்லை என
இராவணன் கருதினான். 168 | 3235. | ஏவின சிலதர் ஓடி, 'ஏ' எனும்
துணையில், எங்கும்
கூவினர்; கூவலோடும் குறுகினர் -
கொடித் திண் தேர்மேல்,
மாவினில், சிவிகை தன்மேல், மழை
மதக் களிற்றின் - வையத்
தேவரும், வானம் தன்னில் தேவரும்,
சிந்தை சிந்த. |
ஏவின சிலதர் ஓடி - கட்டளையைப் பெற்ற பணியாளர் விரைந்து; ஏ
எனும் துணையில் - ஏ எனும் முன்னர்; எங்கும் கூவினர் - எங்கணும்
சென்று அமைச்சரை அழைத்தனர்; கூவலோடும் - அவ்வாறு
அழைத்ததும்; வையத் தேவரும் - உலகின் கண் உள்ள முனிவரும்;
வானம் தன்னில் தேவரும் - விண்ணுலகத் தேவரும்; சிந்தை சிந்த -
மனம் துணுக்குற; (அமைச்சர்கள் எல்லாம்); கொடித் திண் தேர் மேல் -
கொடி அசையும் |