| | ஐயோ! போனான், அம்பொடும், உம்பர்க்கு
அவன் என்றால்,
உய்வார் யாரே நம்மில் எனக்
கொண்டு, உணர்தோறும்,
நையாநின்றேன்; நீ இது
உரைத்து நலிவாயோ? |
வெய்யோர் - கொடியவர்களில்; வீர விராதன் துணை வெய்யோர்-
வீரனாகிய விராதனுக்கு இணையான கொடியவர்; யாரே - யார் உளர்?;
அம்பொடும் - (இராமபிரான்) அம்பினால்; ஐயோ - என்ன பரிதாபம்!;
உம்பர்க்கு அவன் போனான் என்றால் - வானுலகுக்கு அவனும்
கொல்லப்பட்டுச் சென்றான் எனில்; நம்மில் யாரே உய்வார் -
(அவ்விராமனிடமிருந்து) நம்மவரில் யார்தான் தப்பிப் பிழைக்க முடியும்?;
எனக்கொண்டு - என்று கருதி; உணர்தோறும் நையா நின்றேன் -
எண்ண, எண்ண நொந்திருக்கின்றேன்; நீ இது உரைத்து நலிவாயோ? -
இப்போது (இவ்வாறு என்னிடம்) மேலும் கூறி என் வருத்தத்தை
மிகுதிப்படுத்துவாயோ? விராதன் வதை நமக்கு ஒரு பாடமன்றோ என மாரீசன் எடுத்துக்
கூறினான். விராதனை இராமலக்குவர் வாளால் அழித்தனர். (2550) இங்கே
அம்பு என்றது ஆயுதம் என்ற பொருளில் கொள்ளத்தக்கது.15 | 3252. | 'மாண்டார், மாண்டார்; நீ இனி
மாள்வார் தொழில் செய்ய
வேண்டா, வேண்டா; செய்திடின்,
உய்வான் விதி உண்டோ?
ஆண்டார் ஆண்டார் எத்தனை
என்கேன்? அறம் நோனார்,
ஈண்டார்; ஈண்டு ஆர் நின்றவர்?
எல்லாம் இலர் அன்றோ? |
மாண்டார் மாண்டார் - ஏற்கெனவே இறந்தவர்கள் இறந்து
போயினர்; இனி நீ - இனிமேல் நீ; மாள்வார் தொழில் செய்ய -
மரணமுறப் போகின்றவர்கள் செயத் தக்க செயலைச் செய்ய; வேண்டா
வேண்டா - (அருள் கூர்ந்து) முற்பட வேண்டாம்; செய்திடின் - நீ
அவ்வாறு செய்வாயானால்; உய்வான் விதி உண்டோ - தப்பிப் பிழைக்க
வழியும் உண்டோ? (இல்லை); ஆண்டார் ஆண்டார் - உனக்கு முன்னே
இவ்வுலகை ஆண்டு சென்றோர்; எத்தனை என்கேன் - எத்தனையென்று
கணக்குரைக்க முடியாது; அறம் நோனார் - அறத்தை நோற்காதவர்;
ஈண்டார் - நிலை பெற்று நின்றதில்லை; ஈண்டு ஆர் நின்றவர் -
(மேலும்) இவ்வுலகில் |