செற்றி கதிரின் பொலி - பதிக்கப் பெற்றுக் கிரணங்களால் ஒளி வீசி
நிற்கும்; செம்மணியின் சுடர்க்கற்றை - சிவந்த மாணிக்கங்களின் ஒளியின்
தொகுதி;விட்டு எரி கஞ்சுகியான் - வெளி விட்டு ஒளி வீசும் மேல்
அங்கி உடையான்; வெற்றித் திருவின் குளிர் வெண் நகை போல் -
விசயலக்குமியின் குளிர்ந்த வெண்பற்களின்சிரிப்புப் போல்; சுற்றிக் கிளரும்
சுடர்தோள் வளையான் - சுற்றி விளங்குகின்ற ஒளிவீசும் தோள்
வளையங்களை உடையவன் (இந்திரன்). செற்றி - ஒளி பெறச் செதுக்கி என்பர். சிலர் தோள் வளைகளை
வெண்ணகைக்குஉவமையாக்கியதால் அவ்வணி முத்துக்கள் பதித்தவை
எனலாம். தோள்வளையம் - வாகுவலயம் எனும்அணி. கஞ்சுகி - கவசம்
என்பாருமுளர். 10 | 2597. | பல் ஆயிரம் மா மணி
பாடம் உறும்
தொல் ஆர் அணி கால்
சுடரின் தொகைதாம்
எல்லாம் உடன் ஆய்
எழலால், ஒரு தன்
வில்லால், ஒளிர் மேகம்
எனப் பொலிவான்; |
பல் ஆயிரம் மாமணி பாடம் உறும்- பல ஆயிரக்கணக்கான சிறந்த
மாணிக்கங்கள் ஒளிவீசும்; தொல் ஆர் அணி கால் சுடரின்தொகை -
பழமைச் சிறப்புற்ற நகைகள் வெளியிடும் ஒளியின் கூட்டம்; எல்லாம் உடன்
ஆய் எழலால் - எல்லாம் ஒன்று சேர்ந்து மேலே கிளம்புதலால்; ஒரு தன்
வில்லால் - இணையற்ற தன் இந்திரவில் எனும் வானவில்லால்; ஒளிர்
மேகம் எனப் பொலிவான் - விளங்கும் கரு மேகம் போல விளங்குபன்
(இந்திரன்). தாம் - அசை. பாடம் - ஒளி, நகைகளின் சிறப்பைப் பழமை உணர்த்தும். இந்திரனுக்கு
மேகமும், அவன்பூண்ட நகைகளுக்கு இந்திர வில்லும் உவமை. இந்திரன்
நிறம் கருமை. பல நிற ஒளி மணிகள் பதித்தநகைகள் வானவில்லின்
பலநிறங்கள் கொண்டதற்கு ஏற்புடைத்து. 11 | 2598. | மானா உலகம் தனில்,
மன்றல் பொரும்,
தேன் நாறு, நலம்
செறி, தொங்கலினான்;
மீனோடு கடுத்து உயர்
வென்றி அவாம்
வான் நாடியர் கண் எனும்
வாள் உடையான்; |
|