எடுத்த மலையே நினையின் - கயிலையங்கிரியை எடுத்ததையே
பெரிதாக நீ கருதினால்; ஈசன் இகல் வில்லாய் வடித்த மலை - இது
சிவபெருமான் முன்பு வளைத்து வில்லாய்ப் பிடித்த மேருமலை போன்றது;
நீ இது வலித்தி என - இதனை நீ வளைப்பாயாக (என்று சனகன் கூற);
வாரிப் பிடித்த மலை - அள்ளியெடுத்துப் பிடித்த மலைக்கு நிகரானதும்;
ஒருவன் - ஒப்பற்ற இராமன் (அன்று); நாணிடைப் பிணித்து - நாண்
கயிற்றைப் பற்றி; மேல் நாள் - முன்னொருநாள்; ஒடித்த மலை - ஒடித்த
மலைக்கு நிகரானதுமான வில்; அண்ட முகடு - உச்சி வானத்தை; உற்ற
மலை அன்றோ - தழுவிய மேரு மலை போன்றதே அன்றோ?

     நீ எடுத்தது கயிலை மலை. ஆனால் இராமன் ஒடித்த வில் அதனினும்
மேலான மேருமலை போன்றது. இதனால் வலிமையினை ஒப்பிட்டுப் பார்க்க
வேண்டுகிறான். சொற்பொருட் பின்வருநிலை அணி.                  22

    'யாதும் அறியாய் - இராமன் வலிமை முதலானவற்றை முழுதும்
அறியாதவன் நீ; உரை கொளாய் - எடுத்துச் சொன்னாலும் உணர
மறுக்கிறாய்; இகல் இராமன் கோதை புனையா முன் - உன் பகையாய் நீ
கருதும் இராமன் போர் புரியத் தும்பை மாலை சூடு முன்; உயிர்
கொள்ளை படும் அன்றே - அவன் பகைவர் உயிர் சூறையாடப்படும்
அன்றோ?; பேதை மதியால் - அறியாமை கொண்ட மதியால்; இஃது ஓர்
பெண் உருவம் என்றாய் - (சீதையை) ஒரு மனிதப் பெண்ணாக
மதித்திருக்கின்றாய்; அது சீதை உருவோ? - உண்மையில் அது சீதையின்
வடிவமோ? (அன்று);