நிருதர் தீவினை அன்றோ - அரக்கர் இழைத்த பாவத்தின் வடிவம்
அன்றோ?'

     தானும் அறியான், சொல் புத்தியும் கேளான் என இராவணனை
இகழ்ந்தான் மாரீசன். இராமன் போருக்கு மாலை சூடு முன்பே பகைவர்
உயிரிழப்பர் என அவன் ஆற்றலின் மிகுதி கூறினான். கோதை - மாலை.
இங்கே அதிரப் பொருவதற்கு அடையாளமாகிய தும்பைப் பூ மாலை.23

    "உஞ்சு பிழையாய் உறவினோடும் - உன் உறவினரோடு நீயும் தப்ப
முடியாது; என உன்னா - என்று எண்ணும் அளவில்; நெஞ்சு பறை
போதும் - நெஞ்சம் பறை கொட்டி அறிவிக்கும் நிலையில்; எனது
ஆருயிர் அஞ்சும் - என்அரிய உயிர் பதைக்கின்றது; அது நீ
நினையகில்லாய் - நீ அதனைக் கருத்தில் எண்ணாதிருந்தாய்; நஞ்சு
நுகர்வாரை - விடம் அருந்துகின்றவர்களை; அறிந்து அருகு நின்றார் -
அறிந்து பக்கத்தில் நின்றோர்; இது நன்று - உங்கள் செயல் நன்று;
எனலும் நன்றோ - என்று கூறுதலும் நல்ல செயலாகுமா?"

     நீ நஞ்சு அருந்துவது போல் தீமை செய்யக் கருதுகையில், அதனை
அறிந்த நான் நன்று எனப் பாராட்டல் சரியாகுமா எனக் கேட்டான் மாரீசன்
நினைகில்லாய் - எண்ணும் ஆற்றல் இல்லாதவனாயினாய். (இல் - ஆற்றலை
உணர்த்த வரும் இடைச்சொல்.)                                  24

    ஈசன் முதல் மற்றும் இமையோர் உலகும் - சிவபெருமான் முதல்
தேவர் உலகு வரை; மற்றைத் தேசம் முதல் முற்றும் - வேறு
பகுதிகளையும்