சேர்த்து முழுவதிலுமாய்; கோசிகன் அளித்த கடவுட் படை -
விசுவாமித்திர முனிவனால் வழங்கப்பட்ட தெய்வ அம்புகள்; கொதிப்போடு-
பொங்கும் அனலோடு; ஓர் இமைப்பின் உயிர் தின்ப - இமைப்
பொழுதில் உயிரைப் பருகி முடிக்கும் வல்லமை உடையன; ஆசில -
குற்றம் (தோல்வி) அறியாதவை; கணிப்புஇல் - கணக்கில்லாதவை; இராமன்
அருள் நிற்ப - இராமபிரானிடம் (ஏவல் பூண்டு) அருள் காத்து
நிற்பனவாம். தாடகை வதம் முடிந்து வேள்வி காத்தபின் விசுவாமித்திரரும்,
முனிவரும் அளித்த தெய்வப் படைகள் பல இராமனிடம் பொருந்தி
உள்ளன. இது குறித்துப் பால காண்டம் வேள்விப் படலம் (394, 395, 396)
கௌசிகன் - விசுவாமித்திர முனிவர். குசிகன் குலத்தில் பிறந்தோன். 25 | 3262. | 'வேதனை செய் காம விடம்
மேலிட மெலிந்தாய்;
தீது உரைசெய்தாய்; இனைய செய்கை
சிதைவு அன்றோ?
மாதுலனும் ஆய், மரபின் முந்தை
உற வந்தேன்,
ஈது உரை செய்தேன்; அதனை, எந்தை!
தவிர்க' என்றான். |
வேதனை செய் காம விடம் - துயரம் தருகின்ற காமம் என்ற நஞ்சு;
மேலிட மெலிந்தாய் - மிகுதிப்படச் சோர்வுற்றாய்; தீது உரை செய்தாய் -
கொடுஞ் சொற்களையும் கூறினாய்; இனைய செய்கை சிதைவு அன்றோ -
இவ்வாறு செய்தல் அழிவு ஆகுமன்றோ?; மாதுலனும் ஆய் - உனக்கு
மாமன் உறவுடையவனாய்; மரபின் முந்தை உற வந்தேன் - உன்
குலத்தில் முந்திப் பிறந்தவனானேன்; ஈது உரை செய்தேன் -
இம்மொழிகளை உனக்குச் சொன்னேன்; எந்தை - என ஐயா; அதனைத்
தவிர்க - இத்தீய கருத்தை விட்டு விடுக; என்றான் - என (மாரீசன்
இராவணனுக்கு மறுபடியும் அறிவுரை பகன்றான். உன் குலத்து முந்தியவன் என்பதால் நீ என்னைக் கடிந்த போதும்
நல்லன கூறினேன் என அறிவுரை கூறினான் மாரீசன். மாதாவின் உடன்
பிறப்பு மாதுலன். 26 | 3263. | என்ன, உரை அத்தனையும்,
எத்தனையும் எண்ணிச்
சொன்னவனை ஏசின அரக்கர்
பதி சொன்னான்: |
|