| | நன்மையும் தீமை அன்றே, நாசம்
வந்து உற்ற போது?
புன்மையின் நின்ற நீராய்!
செய்வது புகல்தி' என்றான். |
'உன்வயின் உறுதி நோக்கி - (இராவணனாகிய) உன் நலத்தினை
நாடி; உண்மையின் உணர்த்தினேன் - உண்மையாகவே எடுத்துக்
கூறினேன்; மற்று - அவ்வாறன்றி; என்வயின் இறுதி நோக்கி - எனக்கு
அழிவு நேரும் என்று கருதி; அச்சத்தால் இசைத்தேன் அல்லேன் -
பயம் காரணமாக நான் அறிவுரை கூறினேன் இல்லை; நாசம் வந்து
உற்றபோது - அழிவு நெருங்கி வரும் நேரத்தில்; நன்மையும் தீமை
அன்றே - நல்லது சொன்னாலும் அது தீமையாகவே கருதப்படும்
அல்லவா?; புன்மையின் நின்ற நீராய் - தீய நெறியில் செல்லும் தன்மை
உடையவனே; செய்வது புகல்தி - நான் செய்ய வேண்டியதைச் செப்புக';
என்றான் - என மாரீசன் (உடன்பட்டுப்) பேசினான். 32 சீதையை அடையச் செய்திடும் சூழ்ச்சி | 3269. | என்றலும், எழுந்து புல்லி
ஏறிய வெகுளி நீங்கி,
'குன்று எனக் குவிந்த தோளாய்!
மாரவேள் கொதிக்கும் அம்பால்
பொன்றலில் இராமன் அம்பால் பொன்றலே
புகழ் உண்டு அன்றோ?
தென்றலைப் பகையைச் செய்த
சீதையைத் தருதி' என்றான். |
என்றலும் - இவ்வாறு மாரீசன் கூறியதும்; எழுந்து புல்லி -
இராவணன் எழுந்து அவனைத் தழுவி; ஏறிய வெகுளி நீங்கி - மேற்
பொங்கிய சினம் மாறி; 'குன்று எனக் குவிந்த தோளாய் - மலையெனத்
திரண்ட தோள்களை உடையவனே; மாரவேள் கொதிக்கும் அம்பால் -
மன்மதன் எய்த வேதனைக் கணையால்; பொன்றலில் - இறப்பதை விட;
இராமன் அம்பால் - இராமனுடைய அம்பினால்; பொன்றலே புகழ்
உண்டு அன்றோ - இறத்தலால் புகழ் ஏற்படும் அல்லவா?; தென்றலைப்
பகையைச் செய்த - இனிய தென்றலையும் கொடிய பகையாக மாற்றிவிட்ட;
சீதையைத் தருதி - சீதையை எனக்காகக் கொண்டு தருவாய்; என்றான் -
என்று இராவணன் வேண்டினான். காமன் அம்பால் சாவதை விட இராமன் அம்பால் சாவது மேல்
என்றான் இராவணன் : எவ்வாறாயினும் பின்னர் நிகழவிருப்பதை முன்னரே
குறிப்பால் கூறுதல் கருதத்தக்கது. 33 |