| | ஏனையர் இறக்கின், தானும் தமியளாய்
இறக்கும் அன்றே
மானவள்? ஆதலாலே, மாயையின்
வலித்தும்' என்றான். |
ஆனவன் உரைக்க - உறவுடையவனான மாரீசன் இவ்வாறு
கூறுதலும்; நக்க அரக்கர் கோன் - அது கேட்டுச் சிரித்த இராவணன்;
அவரை வெல்ல - அம் மானுடரை வெற்றி கொள்ள; தானையும்
வேண்டுமோ - சேனையும் அவசியம் தானோ?; என் தடக்கை வாள்
தக்கது அன்றோ - என் வலிமைமிக்க கரங்களில் ஏந்திய வாள் ஒன்றுமே
போதாதோ? (போதும் என்றாலும்); ஏனையர் இறக்கின் - தன்னைச்
சார்ந்த இராமலக்குவர் மாய்வராயின்; மானவள் - மானுடப் பெண்ணான
சீதையும்; தானும் தமியளாய் - தானும் தனித்திருக்கும் நிலை கருதி;
இறக்கும் அன்றே - மடிந்து போவாள் அல்லவா?; ஆதலாலே
மாயையின் வலித்தும் - அக்காரணத்தால் அவளை மாய வஞ்சனையில்
கைப்பற்றுவோம்; என்றான் - என்று சொன்னான். மானவள் - மானுடப் பெண்; மான் போன்றவள், மானம் மிக்கவள்
எனப் பல பொருள் விரிக்க இடம் தருகிறது. வஞ்சனை செய்ய வாய்ப்பான
காரணம் கற்பிக்கின்றான் இராவணன். வஞ்சனைச் செயலுக்குச் சீதையிடம்
இராவணன் வேறு ஒரு காரணம் சொல்வதை இராவணன் சூழ்ச்சிப்
படலத்தில் காணலாம். (3401) 37 | 3274. | 'தேவியைத் தீண்டாமுன்னம், இவன்
தலை சரத்தின் சிந்திப்
போம்வகை புணர்ப்பன் என்று, புந்தியால்
புகல்கின்றேற்கும்
ஆம் வகை ஆயிற்று இல்லை; யார்
விதி விளைவை ஓர்வார்?
ஏவிய செய்வது அல்லால், இல்லை வேறு
ஒன்று' என்று எண்ணா, |
தேவியைத் தீண்டா முன்னம் - இராமன் துணைவியான சீதையைத்
தொடு முன்னரே; இவன் தலை சரத்தின் சிந்தி - இவ்விராவணன்
தலைகளை இராமன் அம்பால் வீழ்த்தி; போம் வகை புணர்ப்பன் - விழும்
வகையைச் செய்யலாம்; என்று புந்தியால் புகல்கின்றேற்கும் - என்று
தந்திரத்தால் சொல்ல வல்ல எனக்கும்; ஆம் வகை ஆயிற்று இல்லை -
(அதனைச் செய்து) பிழைக்கும் வழி புலனாகவில்லை; விதி விளைவை
ஓர்வார் யார்? - விதியின் செயல்பாட்டை முற்றும் அறிந்தவர் யார்?;
ஏவிய செய்வது அல்லால் - இராவணன் இட்ட கட்டளையை
நிறைவேற்றுவதல்லாமல்; வேறு |