வேள்வியின் அன்று - (விசுவாமித்திரர் செய்த) யாகம் நிகழ்ந்த
போதும்; அக்காலமும் - தண்ட காரண்யத்தில் மானாகச் சென்ற
அப்போதும்; நலிந்தும் - துன்புற நேர்ந்தும்; தொடர்ந்து இக்காலும் -
இன்று வரை தொடர்ச்சியாக; ஓர் ஈறு பெறான் - ஒரு முடிவையோ
மரணத்தையோ பெறாத (மாரீசன்); முக்காலின் - இப்போது மூன்றாம்
முறையாக; முடிந்திடுவான் முயல்வான் - மரணமுற இசைந்து அதன்
வழியே செல்கின்றவனாய்; அவ் இராகவன் வைகு புனம் - அந்த
இராமபிரான் தங்கியுள்ள வனம் நோக்கி; புக்கான் - சென்றடைந்தான்.

     மூன்றாம் முறை மரணம் உறுதியென அறிந்து அதனைச் சந்திக்க
சென்றான் மாரீசன்.                                           42

மாயப் பொன் மானாய் மாரீசன் தோன்றுதல்

    தன் மானம் இலாத - தனக்கு நிகர் இல்லாத; தயங்கு ஒளி சால் -
அசைகின்ற ஒளி பொருந்திய; மின் - உடல் மின்னுதலால்; வானமும்
மண்ணும் விளங்குவது ஓர் - விண்ணும் மண்ணும் விளக்கமுறும் படியான
ஒரு; பொன் மான் உருவம் - தங்க மானின் வடிவம்; கொடு போயினன்-
எடுத்துக் கொண்டு மாரீசன் சென்றான்; நன்மான் அனையாள் தனை -
உயர்ந்த மான் போன்ற சீதையினை; நாடுறுவான் - தேடிச் சென்று
அடைந்தான்; ஆல் - அசை.

     மாயமான் கண்டாரைக் கவரும் ஒளிமிக்கதாய் விளங்கியது. தனை
நாடுறுவான் என்பதற்குச் சீதை தன்னை நாடும்படியாகச் சென்றான் எனவும்
பொருள் கூறுவர்.                                            43