அம் மான் வேண்டுமென வாயால் கூறாது உணர்த்திக் காட்டினாள். 49

    'இம் மான் - இது போன்றதொரு மான்; இந் நிலத்தினில் இல்லை -
இந்த உலகத்தில் இதுவரை இருந்ததில்லை; எனா - என்று ஆராய்ந்து;
எம்மான் - எம் தலைவனும்; தேமலரோன் அம்மானும் - பிரமனது
தந்தையுமாகிய இராமபிரான்; இதனைச் சிறிது எண்ணல் செயான் -
இவ்வாறு சற்றும் சிந்தியாதவனாய்; செம்மான் அவள் - செம்மை நிரம்பிய
மான் போன்ற சீதையின்; சொல் கொடு - ஆசைச் சொற்களை ஏற்று;
அருத்தியன் ஆயினன் - தானும் (மானின்மேல்) விருப்பம் கொண்டான்;
ஆல் - ஈற்றசை.

     எல்லாவற்றையும் படைக்கும் பிரமனின் தந்தையான இராமனுக்கு, இம்
மாயமான் போன்றதொரு படைப்பு இயற்கையில்லை என்ற ஆராய்ச்சி
ஏற்படவில்லை.                                              50

இலக்குவன் 'அது மாயமான்' எனல்

    வேண்டும் எனலாம் - சீதை விரும்பிக் கேட்கின்ற தன்மையினால்;
விழைவு அன்று இது - பொருத்தமான ஆசை அன்று இது; எனா! -
என்று கூறாது; 'பூண் துஞ்சு பொலங் கொடியோய் - அணிகலன்கள்
அழகுடன் பொருந்தும் பொற்கொடி போன்றவளே!; அது நாம் காண்டும் -
அந்த மானைக் காணலாம்; எனும் வள்ளல் கருத்து உணர்வான் - என்று
கூறும் இராமனுடைய சிந்தனைப் போக்கை உணர்ந்தவனாய்; இளையான் -
தம்பியாகிய இலக்குவன்; ஆண்டு அங்கு உரையாடினன் - அப்போது