நின்றான் - (இந்திரன் அச் சரபங்கர் ஆசிரமத்தில்) சென்று நின்றான்;
எதிர் நின்ற நெடுந்தவனும்எதிர் கொண்டு சென்றான் - அங்கு அவன்
எதிரில் நின்ற பெருந்தவம் செய்தவனாகியசரபங்கனும் எதிர் வந்து
அழைத்துச் சென்றான்; சிறப்பு அமையா - வந்த அதிதிக்குரியஉபசாரங்கள்
செய்து; 'இவண் எய்தியவாறு என்' எனலும் - இங்கு நீ வந்த காரணம்
யாது' எனக் கேட்டலும்; பொன்றாத பொலங் கழலோன் புகலும்- கெடாத
பொற்கழல் அணிந்தஇந்திரன் பின்வருமாறு கூறினான்; தான் - அசை.

     நின்ற நெடுந்தவன் என்பதற்கு நிலைபெற்று நெடிய தவம் செய்த
சரபங்க முனிவன் எனலுமாம்.இந்திரன் பெற்ற பல வெற்றிகளைக் குறிக்கும்
பொலங்கழல் அணிந்த நிலை.                                   14

இந்திரன் பிரம லோகத்திற்கு அழைத்தலும் முனி மறுத்தலும்

    பொன் ஆர் சடை மாதவ - பொன்னிறம் பொருந்திய சடையுடைய
பெரும் தவத்தோனே; நின்னால் இயல் நீதி நெடுந்தவம் -உம்மால்
செய்யப்பெற்ற முறை தவறாத பெருந்தவம்; என்னானும் விளம்ப அரிது
என்றுஉணர்வான் - எவ்வகையாலும் எடுத்துக் கூறுவதற்கு அரியது என்று
உணர்ந்தவனாகி; அந்நான்முகன் நின்னை அழைத்தனனால் - அந்த
நான்கு முகமுடைய பிரமதேவன் உம்மைத் தம்உலகிற்கு வர அழைத்தனன்
ஆதலின்; இன்று போதுதி - இப்பொழுது அங்குப்போகஎழுந்தருள்வீராக;
ஆல் - அசை.

     என்னால் கூடக் கூற இயலாது என்ற கூற்றை இந்திரன் கூற்றாகவும்
கொள்ளலாம். இந்திரன்ஐந்திரம் எனும் இலக்கணம் இயற்றிய அறிஞன். அத்