ஆயிடை - இப்பேச்சுக்களின் இடைப்புகுந்து; அன்னம்அன்னாள் -
பேடை அன்னம் போன்ற சீதை; மாழ்கி -வருத்தமுற்று; அமுது
உகுத்தனைய - அமுதம் சிந்தினாற் போன்று;செய்ய வாயிடை மழலை
இன்சொல் - சிவந்த வாயில் இனியமழலை போலும் சொற்களை;
கிளியினின் குழறி - கிளி மொழிவதுபோல் கொஞ்சிக் கூறி; 'நாயக - என்
நாதனே; நீயே பற்றி நல்கலைபோலும் - இம்மானை நீயே பிடித்துத்
தரமாட்டாயா; என்னா -என்று (ஊடல் கொண்டு); சேயரிக் குவளை -
சிவந்த வரிகளைஉடைய குவளை மலர் போன்ற கண்களில்; முத்தம்
சிந்துபு -கண்ணீர் முத்துக்கள் சிந்த; சீறிப் போனாள் - கோபம் கொண்டு
செல்லத் தொடங்கினாள்.

     இலக்குவன் கருத்தைத் தன் ஊடற் கோலத்தால் இராமபிரானிடம்
மறுத்துக் கூறுகின்றாள் சீதை.                                    67

இளையவனை நிறுத்திவிட்டு இராமன் மானைத் தொடர்தல்

    போனவள் புலவி நோக்கி - அவ்வாறு சென்ற சீதையின்
ஊடலைப் பார்த்து; புரவலன் - அனைவரையும் காத்தல் வல்ல
இராமன், (இலக்குவனிடம்); 'பொலன் கொள் தாராய் -
பொன்மயமான மலர் மாலை புனைந்தவனே; மான் இது நானே பற்றி-
இம் மானை நானே பிடித்துக் கொண்டு; வல்லையின் வருவென்
நன்றே - விரைவில் நன்கு வந்து விடுவேன்; (அதுவரை); கான்
இயல் மயில் அன்னாளை - கானகத்து மயில் போன்ற சீதையை;
காத்தனை இருத்தி - நீ காவல் காத்து இருப்பாயாக; என்னா -
என்று கூறி; வேல் நகு சரமும் வில்லும் வாங்கினன் - வேல்
போன்ற கூரிய அம்புகளையும் வில்லையும் எடுத்துக் கொண்டு;
விரையல் உற்றான் - வேகமாகச் செல்லலானான்.