மகளிர்; மனம் எனப் போயிற்று - (ஒரு வழி நில்லாத) மனத்தைப்
போல் சென்றது (அம்மா - வியப்புக் குறித்த இடைச் சொல்). எங்கும் நில்லாமல் பாயும் மானின் பாய்ச்சலை நிதி வழி நேயம்
நீட்டும் விலை மகளிர் மனம் என உவமித்துக் கூறினார். 73 | 3310. | 'காயம் வேறு ஆகி, செய்யும் கருமம்
வேறு ஆகிற்று அன்றே?
ஏயுமே; என்னின் முன்னம்
எண்ணமே இளவற்கு உண்டே;
ஆயுமேல் உறுதல் செல்லாம்;
ஆதலால், அரக்கர் செய்த
மாயமே ஆயதே; நான் வருந்தியது'
என்றான் - வள்ளல். |
'காயம் வேறு ஆகி - (இந்த மானின்) வடிவம் மானாக
வேறுபட்டிருந்தாலும்; செய்யும் கருமம் வேறு ஆகிற்று அன்றே -
இதன் செயல்களோ மானின் இயல்பிலிருந்து மாறுபட்டதாய்த்
தோன்றுகின்றன; என்னின் முன்னம் - எனக்கு முன்னே; இளவற்கு
எண்ணமே உண்டே - தம்பி இலக்குவனுக்கு இது குறித்த சிந்தனை
தோன்றியதில் நியாயம் உண்டு தானே; ஏயுமே - (அவன் எண்ணம்)
பொருத்தமாகத்தான் இருக்கிறது; ஆயுமேல் - நன்றாக நானும்
ஆராய்ந்திருந்தால்; உறுதல் செல்லாம் - இங்கு வந்திருக்க
மாட்டேன்; ஆதலால் - எனவே; நான் வருந்தியது - நான்
இப்போது வருந்தி உணர்வது; அரக்கர் செய்த மாயமே ஆயதே -
இராக்கதர் மாயம் செய்ததன் விளைவையே; என்றான் வள்ளல் -
என அருள் வள்ளலாகிய இராமன் எண்ணினான். மானின் இயல்புக்கு மாறாகத் தந்திரம் வல்லதாக இம் மாயமான்
இயங்குகிறது. ஒரு கட்டத்தில் களைப்புற வேண்டிய விலங்குஇராமனை
இழுத்துக் கொண்டு தொலை தூரம் வந்து விட்டது.இவற்றால் இராமன்
மனம் சிந்திக்கலாயிற்று. 74 இராமன் அம்பால் மாரீசன் அலறி வீழ்தல் கலிவிருத்தம் | 3311. | 'பற்றுவான், இனி,
அல்லன்; பகழியால்
செற்று, வானில் செலுத்தல்
உற்றான்' என
மற்ற அம் மாய
அரக்கன் மனக் கொளா, |
|