தேரும் அறிவினன் ஆதலால் - (இப்போதும்) என்னுடைய
வலிமையை நன்கு தெளிவாக அறிந்திருப்பவனாதலால்; மாற்றம்
இன்னது தேற்றும் - சீதைக்கு ஆறுதல் கூறி இக்குரலின்
உண்மையை உணர்த்தியிருப்பான்; எனத் தேறினான் - என ஆறுதல்
கொண்டு மனத் தெளிவு கொண்டான்; ஆல் - அசை. தம்பியின் அறிவையும், ஆறுதல் தரும் மாட்சியையும் போற்றி
மகிழ்ந்தான். 81 | 3318. | 'மாள்வதே பொருள்
ஆக வந்தான்அலன்;
சூழ்வது ஓர் பொருள் உண்டு;
இவன் சொல்லினால்
மூள்வது ஏதம்;
அது முடியாமுனம்
மீள்வதே நலன்' என்று,
அவன் மீண்டனன். |
(எனினும்); 'மாள்வதே பொருள் ஆக - சாவதே நோக்கமாக;
வந்தான் அலன் - மாரீசன் வந்தவனாகத் தோன்றவில்லை; சூழ்வது
ஓர் பொருள் உண்டு - இவன் திட்டமிட்ட ஒரு நோக்குடன்
வந்துள்ளான்; இவன் சொல்லினால் - இவன் கூக்குரலால்; மூள்வது
ஏதம் - தீங்கு நிகழ உள்ளது; அது முடியா முனம் - அத் தீங்கு
நிறைவேறுவதன் முன்னே; மீள்வதே நலன் - திரும்பப் பர்ண
சாலையை அடைவதே நலம் பயக்கும்;" என்று அவன் மீண்டனன் -
என்று எண்ணித் திரும்பி வரலானான். இப்படலத்தில் அரக்கர் மாயைக்கு அவதார நாயகர்களும்
இலக்காவதும், உயர் குடிப் பெண்ணாயினும் தயக்க மயக்கங்களுக்கு
இரையாவதும், நுட்ப அறிவுடையார் எத்தீமையையும் முன்கூட்டி
அறிவர் என்பதும் வெளிப்படுத்தப்படுதலைக் காண்கிறோம். 82 |