வரவேற்றான்; ஆனவன் - அப்படி வந்த இராமனும்; அடி தொழ -
முனிவனின்அடிவணங்க; அருள் வர அழுதான் - அன்பு பெருகக்
கண்ணீர் சிந்தினான்; தானுடை இடவகைதழுவினன் நுழை வான் -
தானிருக்கும் குடிலிடத்து இராமனைத் தழுவிக் கொண்டு உட்புகுவார்.

     புலமை - அறிவு, ஞானம். அருள் - இலக்கணையாய் அன்பிற்காயிற்று
இட வகை - இருப்பிடம்,வீடு தானுடை இடவகை தழுவினன் நுழைவான்
என்பதற்குத் தன்னடியார் இருப்பிடமே தன் வைகுந்தம் எனக்கருதும்
இராமன் நுழைந்தான் என்பர். அழுகை உவகைக் கலுழ்ச்சி.            33

    (சரபங்கர் இராமனை நோக்கி) ஏழையும் இளவலும் வருக என -
சீதையும் இலக்குவனும் வருகஎன்று வரவேற்க; இனிதா வாழிய
அவரொடும் வள்ளலும் மகிழ்வால் - நன்றாக,வாழ்விற்குரிய
அவர்களொடு இராமனும் மகிழ்ச்சியால்; ஊழியின் முதல் முனி உறையுளை
அணுக -பிரளய காலத்திற்கு முன்னம் இருந்த சரபங்கரின் வாழுமிடத்தைச்
சேர; ஆழியில்அறிதுயிலவன் என மகிழ்வான் - திருப்பாற் கடலில்
யோக நித்திரை கொள்ளும் திருமால்இவனே என்று தெளிந்து சரபங்க
முனிவர் களிப்பெய்தினார்.

     ஏழை - பெண்ணாம் சீதையைக் குறித்தது. இக்காண்டத்தில் 'மழைக்
கண் ஏழை' என வருவதும்காண்க (3316), சரபங்கர் இராமனைப் பாற்கடலில்
அறிதுயில் கொள்ளும் திருமால் என எண்ணிக்களித்தார். வாழிய என்பது
அசை நிலையுமாம்.                                            34