சிந்தையின் - மனத்தினைப் போல; மாதிரம் எட்டும் இரண்டும் -
திசைகள் பத்தினையும்; முந்தி இருண்டன - விரைந்து இருளுமாறு
செய்தன.

     தெளிவில்லாத மனத்தவர் மனம் போல பத்துத் திசைகளையும் இருள்
வளைத்துக் கொண்டது என்றபடி. அரண்டு + அருகும் = அரண்டருகும்;
அரண் தருகும் எனப் பிரித்து, காவல் தரும் எனவும் பொருள்
கொள்ளலாம். குஞ்சம் - திரட்சி. மாதிரம் - திசை. திசைகள் பத்தாவன -
பெருந்திசை நான்கு, கோண திசை நான்கு. மேல், கீழ்த் திசை இரண்டு
ஆகப்பத்தென்க.                                            36

    இளிக்கு அறை இன் சொல் இயைந்தன பூவை - இளி என்னும்
இசைக்கு (ஒப்பு என்று) கூறப்பட்ட இனிய சொற்களை உடையனவாகிய
நாகண வாய்ப்புட்கள்; கிளிக்கு அறையும் பொழில் - (அந்த இனிமையான
சொற்களைக்) கிளிகளுக்குச் சொல்லித் தரும் சோலையில்; கிஞ்சுக வேலி -
முள் முருக்க மரங்களை வேலியாக உடைய; ஒளிக் கறை மண்டிலம்
ஒத்துளது - ஒளியும் முயற்கறையும் உடைய (சந்திர) மண்டலத்தை
ஒத்துள்ளதாகிய; ஒர் பளிக்கு அறை கண்டு - ஒரு பளிங்குப் பாறையைக்
கண்டு; ஆங்கு அதில் வைகல் பயின்றார் - அவ்விடத்து அப்பாறையில்
தங்கினார்கள்.

     சோலையைச் சேர்ந்த இராமலக்குவர் அங்குள்ள பளிங்குப் பாறையில்
தங்கினார்கள். இளி - குரல், துத்தம், கைக்கிளை, உழை, இளி, விளரி, தாரம்
என்ற ஏழிசைகளில் ஒன்று. பூவை - நாகண வாய்ப்புள், மைனா. கிஞ்சுகம் -
முள் முருங்கை. ஒளிக் கறை - ஒளியும் கறையும் உடன் கூறினமையால்
சந்திர மண்டிலம் என்க. பளிக்கறை - பளிங்கினாலாகிய அறை; அறை -
பாறை.                                                    37

இலக்குவன் நீர் தேடிச் செல்லல்