நீ மீண்டும் இவ்வாறு கூறினால் என் அம்பு உன் உடலைக் கூறிடும்
என்றவாறு. கோளரி - உவமையாகு பெயர். கோளரி சிவந்தான் - திணை
வழுவமைதி. பாடலின் இறுதி வரியில் உள்ள சொல் நயம் காண்க.      54

    அவன் மற்று அவ் உரை செப்ப - அந்த இலக்குவன் மாறுபாடாக
இந்தச் சொற்களைச் சொல்ல; மனத்தால் செற்றிலள் - மனத்தால் சினம்
கொள்ளாதவளாகிய (அயோமுகி); கைத் துணை சென்னியில் வைத்தாள் -
தன் இரண்டு கைகளையும் தலைமீது குவித்தவளாய்; 'கொற்றவ -
தலைவனே; நீ எனை வந்து - நீ என்னிடம் வந்து; உயிர் கொள்ளப்
பெற்றிடின் - (நான்) உயிர் பெற்று வாழும்படி செய்யப் பெற்றால்; இன்று
பிறந்தனென் - இன்று நான் (மீண்டும்) பிறந்ததன் பயனைப்
பெற்றவளாவேன்'; என்றாள் - என்று கூறினாள்.

     இலக்குவன் கூறியதைக் கேட்ட அயோமுகி சினம் கொள்ளாது
அவனைக் கை கூப்பி வணங்கி 'நீ எனக்கு அருள் செய்யின் நான் பிறந்த
பயனைப் பெற்றவள் ஆவேன்' என்றாள்.                          55

    வெங்கதம் இல்லவள் - கொடிய சினம் இல்லாதவளாகிய
(அயோமுகி); பின்னரும் - பின்பும்; 'மேலோய் - உயர்ந்தவனே!; இங்கு
நறும் புனல் நாடுதி என்னின் - இவ்விடத்தில் நல்ல நீரைத் தேடுகிறாய்
என்றால்; எனை - எனக்கு; அங்கையினால் - உன்னுடைய அழகான
கைகளினால்; "அஞ்சலை" என்றால் - அஞ்சாதே என்று அபயம்
அளித்தால்; கடிது - விரைவாக;