| | மென்று தின்று விளியாது
விரியும் பசியொடே. |
குன்று துன்றின என - மலைகள் நெருங்கின போல; ஒன்றின் ஒன்று
இடை அடுக்கின - ஒன்றின் மேல் ஒன்றாகத்தன்னிடம் அடுக்கப் பெற்ற;
குமுறு கோப மதமா - பிளிறும், சினத்தையுடைய மதயானைகளை;
தடக்கை உதவ - தன் பெரிய கைகள் உதவ; பின்றுகின்ற பிலனின்
பெரிய வாயின் -(போகப்போக) பின்னும் செல்கின்ற குகை போன்ற
பெரிய வாயிடத்தில்; ஒருபால் மென்றுதின்று - ஒரு பக்கத்தில் (அந்த
யானைகளை)மென்று தின்று கொண்டிருக்கும்; விளியாதுவிரியும் -
அடங்காது மேலும் மிகுகின்ற; பசியோடு - பெரும்பசியுடன்; ஏ - ஈற்றசை. ‘இடை இடுக்கிய’ எனக் கொண்டு தன் விரலின் இடையே இடுக்கி
வைக்கப் பெற்ற (கை) எனவும்பொருள் கொள்வர். அந்த யானைகள் அவன்
வாயில் ஒருபுறத்துக்கே போதா. விளிதல் - கழிதல்,நீங்கல் 10 | 2527. | பன்னகாதிபர் பணா மணி
பறித்து, அவைபகுத்-
தென்ன, வானவர் விமானம்
இடையிட்டு அரவிடைத்
துன்னு கோளினொடு தாரகை
தொடுத்த துழனிச்
சன்னவீரம் இடை மின்னு
தட மார்பினொடுமே |
பன்னகாதிபர் - பாம்பின் தலைவர்களாம் வாசுகி முதலிய பாம்புகளின்;
பணாமணி பறித்து - படங்களிலுள்ளநாகரத்தினங்களைப் பிடுங்கிவந்து;
அவை பகுத்து என்ன - அவற்றைப் பிரித்துப்பதித்தாற் போல;
அரவிடை - மலைப்பாம்புகளின் உடலிலே; வானவர் விமானம்
இடையிட்டு - தேவர்களின் விமானங்களை இடையிடையே தொங்கவிட்டு;
துன்னு கோளினொடு -விளங்கும் ஒன்பது கிரகங்களுடனே; தாரகை -
விண்மீன்களை; தொடுத்த - கட்டிய; துழனி - ஒலியுடன் கூடிய;
சன்னவீரம் - ஒருவகை வெற்றிமாலை; இடைமின்னு - இடையே
விளங்கும்; தட மார்பினொடும் - பரந்த மார்புடன்; ஏ - ஈற்றசை. பன்னகம் - பாம்பு, பன்னகாதிபர் - வாசுகி, ஆனந்தன், தட்சன்,
சங்கபாலன், குளிகன்,பதுமன், மகாபதுமன், கார்க்கோடகன் எனும்
எட்டுக்குலநாகங்கள் பணம் - படம், துழனி,ஒன்றோடொன்று மோதி எழும்
ஒலி. விராதன் அணிந்த வெற்றிமாலையில் தேவர்களின் விமானம்,கிரகங்கள்,
விண்மீன்கள் ஆகியவை கோக்கப் பெற்றிருந்தன. 11 |