| | எய்த யான் செய்தது
எத் தவம்?' என்றனன்;
ஐயனும், அவற்கு
அன்பினன் கூறுவான். |
வைகும் வைகலின் - (அவ்வாறு) தங்கியிருக்கும் பொழுது;
மாதவன் - பெருந்தவம் செய்த சுதீக்கணன்; மைந்தன் பால் -
இராமனிடத்தில்; செய்கை யாவையும் செய்து - செய்ய வேண்டிய
உபசாரங்கள் எல்லாவற்றையும் செய்து; 'செல்வ! இவண் நீ எய்த யான்
செய்தது எத்தவம்?'என்றனன் - செல்வமுடையவனே! இங்கு நீ
எழுந்தருளும் படி நான் செய்தது எத்தகையதவமோ என்று சொன்னான்;
ஐயனும் அவற்கு அன்பினன் கூறுவான் - இராமனும் அம்முனிவனுக்கு
அன்புடையவனாய்ச் சொல்லுவான். வைகல் - வேளை என்றுமாம் செல்வன் - அரசச் செல்வமுடையவன்;
இம்மை மறுமை மோட்சச்செல்வங்களை அருள்பவன் என்றுமாம். தம்மிடம்
வந்தவரிடம் இன்மொழி பேசி மகிழ்வுறச்செய்தல் தலையாய செய்கையாம். 29 | 2660. | 'சொன்ன நான்முகன்தன்
வழித் தோன்றினர்
முன்னையோருள், உயர்
தவம் முற்றினார்
உன்னின் யார் உளர்?
உன் அருள் எய்திய
என்னின் யார் உளர்,
இற் பிறந்தார்?' என்றான். |
சொன்ன நான்முகன் தன்வழித் தோன்றினர் முன்னையோருள் -
சிறப்பாகக் கூறப் பெற்ற பிரமனின் வமிசத்தில் பிறந்தவர்களாகிய முதன்மை
பெற்ற பண்டையமுனிவர்களுள்; உயர்தவம் முற்றினார் உன்னின் யார்
உளர் - சிறந்த தவத்தை முற்றச்செய்தவர் உன்னைப் போல வேறு எவர்
இருக்கின்றனர்?; உன் அருள் எய்திய இற்பிறந்தார்என்னின் யார் உளர்
என்றான் - உன் அருளை அடைந்த இல்வாழ்க்கையில் தோன்றினோர்
என்னைப் போலப் பேறு பெற்றவர் வேறு எவர் உள்ளார் எனக் (இராமன்)
கூறினான். சொன்ன - ஆன்றோர் யாவரும் புகழ்ந்து கூறிய என்றுமாம்.
நான்முகன் வழியில்தோன்றியவர் அந்தணர் ஆவர். உயர்தவம் முற்றினார்
என்ற தொடர் 'சுதீக்கணன்' என்றபெயரினை (2657) விளக்கி நிற்கிறது.
இற்பிறந்தார் - நற்குடியில் பிறந்து இல்லறத்திலேவாழ்பவர்; உன்னின் -
ஆலோசித்தால் என்றுமாம், முனிவரின் அருளைப் பெற்றதால் என்னினும்
பேறு பெற்றவர் யாருமில்லை என்றான், தற்புகழ்ச்சியன்று. 30 |