பெய்தல் -அணிதல்; கலன்கள் - அணிகலன்; செய்கை அன்னம் -
செயற்கை அன்னம் - விளையாடுதற்குரிய பதுமை; வானரமகளிர் நாள்தொறும்
வந்து நீராடுவர் என்றதனால் பம்பையின் பெருமைபுனலாம். 18 | 3727. | ஏலும் நீர் நிழல், இடை
இடை எறித்தலின், படிகம்
போலும் வார் புனல் புகுந்துளவாம்
எனப் பொங்கி,
ஆலும் மீன் கணம் அஞ்சின
அலம்வர, வஞ்சிக்
கூல மா மரத்து, இருஞ் சிறை
புலர்த்துவ - குரண்டம். |
ஏலும் நீர் -பொருந்திய நீரில்;நிழல் இடை இடை எறித்தலின் -
(மரங்களிலுள்ள கொக்குகளின்) நிழல் இடையிடையே விளங்குதலாலே;படிகம்
போலும் வார்புனல் -பளிங்கு போன்று விளங்கும் மிக்க நீரினுள்;
புகுந்துளவாம் என -(கொக்குகள் தம்மை உண்ணப்) புகுந்துள்ளன என்று
எண்ணி;பொங்கி ஆலும் மீன்கணம் -(இயல்பாகத்) துள்ளி விளையாடும்
மீன் கூட்டங்கள்;அஞ்சின அலம்வர -அஞ்சி வருத்தமடையுமாறு;
குரண்டம் -கொக்குகள்;வஞ்சிக் கூலமா மரத்து -கரையிலுள்ள பெரிய
வஞ்சி மரத்திடை;இருஞ்சிறை புலர்த்துவ -(தம்) பெரிய சிறகுகளை
உலர்த்திக் கொண்டிருப்பனவாயின. கரையருகே உள்ள மரங்களில் கொக்குகள் தம் சிறகுகளை உலர்த்திக்
கொண்டிருக்க, அவற்றின் நிழல் நீரில்பட, அந்நிழலைக்கண்ட மீன்கள் தம்மை
உண்பதற்காக நீரினுள் கொக்குகள் புகுந்துவிட்டன என்றெண்ணி மயங்கின
என்பதாம்; மயக்க அணி. தெளிவுடைமை பற்றிப் பளிங்குபோலும் புனல் என்றார். குரண்டம் -
கொக்கு; கூலம் - கரை; வஞ்சி - மரவகையுள் ஒன்று. 19 | 3728. | அங்கு ஓர் பாகத்தில், அஞ்சனமணி
நிழல் அடைய,
பங்கு பெற்று ஒளிர் பதுமராகத்து
ஒளி பாய,
கங்குலும் பகலும் மெனப்
பொலிவன கமலம்;
மங்கைமார் தட முலை எனப்
பொலிவன, வாளம். |
அங்கு ஓர் பாகத்தில் -அப்பொய்கைக் கரையின் ஒரு பக்கத்தில்;
அஞ்சன மணி நிழல் அடைய -நீலமணியின் ஒளி படிவதாலும்;பங்கு
பெற்ற ஒளிர் பதுமராகத்து ஒளி பாய -மற்றொரு பகுதியில் |