| | வேண்டுவ மரபின் எண்ணி, விதி
முறை இயற்றி, வீர!
பூண்ட பேர் அரசுக்கு ஏற்ற
யாவையும் புரிந்து, போரில்
மாண்டவன் மைந்தனோடும் வாழ்தி,
நல் திருவின் வைகி. |
'வீர -வீரனே!நீ ஈண்டு நின்று ஏகி -நீ இவ்விடத்திலிருந்து சென்று;
நின் இயல்பு அமை இருக்கை எய்தி -உனக்கு இயல்பாக (உரியதாகப்)
பொருந்தி இருப்பிடத்தை அடைந்து;வேண்டுவ மரபின் எண்ணி -புரிய
வேண்டிய செயல்களை முறைப்பட ஆராய்ந்து;விதிமுறை இயற்றி -
நூல்களில் விதிப்பட்ட நெறிப்படி செய்து;பூண்ட பேர் அரசுக்கு ஏற்ற -(நீ)
ஏற்றுக் கொண்ட பெரிய அரசாட்சிக்குத் தக்க;யாவையும் புரிந்து -எல்லாச்
செயல்களையும் செய்து;போரில் மாண்டவன் மைந்தனோடும் -
போர்க்களத்தில் இறந்துபட்ட வாலியின் மகன் அங்கதனோடும்;நல் திருவின்
வைகி -சிறந்த செல்வ வாழ்க்கையில் நிலைபெற்று;வாழ்தி -வாழ்வாயாக. நல்லமைச்சர்களோடு நன்கு ஆய்ந்து செயல்களை முறைப்படவும்
திறம்படிவும் செய்ய வேண்டியிருப்பதால் 'வேண்டுவ மரபின் எண்ணி'
விதிமுறை இயற்றி' என்றான். 'மாண்டவன் மைந்தனோடும் வாழ்தி' என்றதால்
அரசியலில் அங்கதனுக்குச் சுக்கிரீவன் இளவரசுப் பட்டம் கட்டவேண்டும்
என்பதை இராமன் குறிப்பாக உணர்த்தினான் எனலாம். 7 | 4122. | 'வாய்மை சால் அறிவின்
வாய்த்த மந்திர மாந்தரோடும்,
தீமை தீர் ஒழுக்கின் வந்த
திறத் தொழில் மறவரோடும்,
தூய்மை சால் புணர்ச்சி பேணி, துகள்
அறு தொழிலை ஆகி,
சேய்மையோடு அணிமை இன்றி,
தேவரின் தெரிய நிற்றி. |
வாய்மை சால் அறிவின் வாய்த்த -வாய்மை நிறைந்த அறிவுத் திறம்
வாய்க்கப்பெற்ற;மந்திர மாந்தரோடும் -அமைச்சர் முதலிய அரசியல்
அறிஞர்களோடும்;தீமைதீர் ஒழுக்கின் வந்த -குற்றமற்ற நல்லொழுக்க
நெறியில் ஒழுகும்;திறத்தொழில் மறவரோடும் -வலி மைக்கேற்ற
தொழில்களையுடை வீரர்களோடும்;தூய்மை சால் புணர்ச்சி பேணி -
தூய்மை பொருந்திய சேர்க்கையை (அவர்கள் பால்) விரும்பிச் செய்து;துகள்
அறு தொழிலை ஆகி -குற்றமற்ற செயல்களைச் செய்பவனாகி;
சேய்மையோடு அணிமை இன்றி -பிறரோடு |