சபைகள் பொருந்திய தேவர் உலகத்துக்கே;அரசு எனல் ஆகும்
அன்றே -தலைமை கொண்டு மேம்பட்டதென்று கூறத்தக்க தல்லவா? நீ -
(அதனால்) நீ;மனத்தின் எம்மை இரங்கிய பணி -உன் மனத்தில் எங்கள்
பால் இரக்கங் கொண்டு கட்டளையிடும் வேலைகளை;யாம் செய்ய -
நாங்கள் செய்ய;சில நாள் எம்பால் இருத்தி -சில நாட்கள் எம்முடன்
இருப்பாயாக. அரங்கு - சுதர்மை முதலிய தெய்வ சபைகள். நில, நீர்வளம் பெற்று
வாழ்வதற்கு உரிய வசதிகள் கொண்ட இடமாதலின் 'மரம்கிளர் அருவிக்
குன்றம்' எனப்பட்டது. வள்ளல் - அண்மை விளி; இழந்த மனைவியையும்
அரசினையும் தனக்கு அளித்தது கருதிக் கூறியது. கிட்கிந்தையைக் குரங்குகள்
வாழும் இடம் என ஒரு குறை கூறலாமேயன்றி அது சுவர்க்கத்தினும்
மேம்பட்டது என்பதால் இராமனை அவ்விடம் தங்குமாறு சுக்கிரீவன்
வேண்டினான் என்க. 18 | 4133. | 'அரிந்தம! நின்னை அண்மி,
அருளுக்கும் உரியேம் ஆகி,
பிரிந்து, வேறு எய்தும் செல்வம்
வெறுமையின் பிறிது அன்றாமால்;
கருந் தடங் கண்ணினாளை
நாடல் ஆம் காலம்காறும்
இருந்து, அருள் தருதி, எம்மோடு'
என்று, அடி இணையின் வீழ்ந்தான். |
அரிந்தம -பகைவர்களை அழிப்பவனே! நின்னை அண்மி -
(நாங்கள்) உன்னைப் புகலடைந்து;அருளுக்கும் உரியேம் ஆகி -(உனது)
கருணைக்கும் உரியவர்களாயிருந்து;பிரிந்து -(பின்) உன்னை விட்டுப்
பிரிந்து;வேறு எய்தும் செல்வம் -தனியே அனுபவிக்கின்ற செல்வம்;
வெறுமையின் பிறிது அன்று ஆம் -வறுமையினும் வேறான தன்று;
கருந்தடங் கண்ணினாளை -(ஆதலால்) கரிய பெரிய கண்களை உடைய
பிராட்டியை;நாடல் ஆம் காலம் காறும் -தேடுதற்கு ஏற்ற காலம்
வருமளவும்;எம்மோடு இருந்து அருள் தருதி -(கிட்கிந்தையில்)
எங்களோடு இருந்து அருள்புரிவாய்;என்று -என்று கூறி;அடி இணையின்
வீழ்ந்தான்- இராமனின் திருவடிகளில் வீழ்ந்து வணங்கினான். வாலியைக் கொன்ற திறம் பற்றி 'அரிந்தம' என அழைத்தான்.
இராமனைச் சேர்ந்து பெறும் இன்பத்தை நோக்க, தனியே வேறாகப் பெறும்
செல்வம் பெற்றும் பெறாதது போலாகும் என்றான். 19 | 4134. | ஏந்தலும், இதனைக் கேளா, இன்
இள முறுவல் நாற,
'வேந்து அமை இருக்கை, எம்போல்
விரதியர் விழைதற்கு ஒவ்வா; |
|