மிக்க வலிமையான தோள்களையும் உடைய;மன் இளங்கும ரன் -
இளவரசனான இலக்குவன்;அரிக்குலத்தவனை நோக்கி -வானர குலத்தைச்
சேர்ந்த அனுமனைப் பார்த்து; இன்னே நின்பால் -இப்பொழுதே
உன்னிடம்;ஒரு மாற்றம் நிகழ்த்துவது உளது -(நான்) ஒன்று கூற
வேண்டியுள்ளது;இனையன -கூறும் இந்த வார்த்தைகள்;உணர்தற்கு
ஏற்ற-(நீ) உணர்ந்து அறிவதற்குத் தகுதியுடையவை;எண் ணிய நீதி -
(இவ்வார்த்தைகள்) எண்ணித் துணிந்த நீதியின்பாற் பட் டவையாகும்;
என்னாசொல்வான் -என்று சொல்லத் தொடங்கினான்.

     அனையது - சுக்கிரீவன் இராமனது ஆணையை மீறாதிருந்தம்,
அவனுக்குக் கிடைத்த செல்வம் சிறுமை செய்தது என்பது.  செல்வம்
பெற்றவர்க்குப் பல்வேறு மாறாட்டங்கள் நிகழக் கூடும்; அதனால் பல தீங்குகள்
விளைய வாய்ப்புள்ளது.  கழல் - தானியாகுபெயர்.                    69

     தேவியைக் குறித்து -சீதையை (இராவணன் கவர்ந்து சென் றதை)க்
குறித்து;செற்ற சீற்றமும் -கறுவு கொண்ட சினமும்;மானத் தீயும் -
மானமாகிய நெருப்பும்;ஐயனை ஆவியை -இராமனது உயிரை;குறித்து
நின்றது -பற்றி வருத்தி நின்றன;அதனைக் கண்டேன் -அவ்வாறு
வருத்துவதை (நேரிலே) கண்ட நான்;கோ இயல் தருமம் நீங்க -
அரசர்களுக்குரிய தருமம் அழிய;கொடுமையோடு உறவு கூடி -
கொடுந்தன்மையோடு உறவு கொண்டாடி;பாவியர்க்கு ஏற்ற செய்கை -
கொடிய பாவியர்க்குரிய செயல்களை;கருதுவன் -செய்யக் கருதியுள்ளேன்;
பழியும் பாரேன் -(அதனால் எனக்கு வரக் கூடிய) பழியையும் சிறிதும்
கருதமாட்டேன்.

     இராவணன் சீதையைக் கவர்ந்த செயல் இராமனை மிக வருத்தியது.
அதனை நேரில் கண்ட இலக்குவன் தனக்கு நேரும் சீற்றத்தையும்; அதன்
விளைவுகளையும் எடுத்துரைக்கின்றான்.  காலம் பார்த்துச் சினம்
ஆறியிருத்தல் அரசனுக்குக் கடமையாயிருக்க, இராமனுக்கு நேர்ந்த
துன்பங்களைக் கண்டு, ஆற்றாமல் இலக்குவன் 'கோவியல் தருமம் நீங்க...
பாவியர்க்கு ஏற்ற செய்கை கருதுவன்' என்றான்.                     70