முயன்றது - 'முன்பும் நாங்கள் மேற்கொண்ட முயற்சியும்;நீ
சொல்லிற்று அன்றோ -நீ  சொல்லியது தானே;இன்னும் -இனிமேலும்;
முயற்றுங்காறும் -முயற்சி மேற்கொள்ளுங் காலத்தும்; நீ இசைத்த -நீ
சொல்லியதையே;செய்வான் இயைந்தனம் -செய்வதறகு உடன் படுகிறோம்';
என்று கூறி -என்று சொல்லி;அன்னது ஓர் அமைதி யான்தன் -(மேலே
கூறப்பட்ட) நிலையையுடையவனான சுக்கிரீவனது;அருள் சிறிது அறிவான்
நோக்கி - மனநிலையையும் சிறிது தெரிந்து கொள்ளக் கருதி;மாருதியோடும்
போனான் - அனுமனுடன் சென்றான்.

     சுக்கிரீவன் கார்காலம் நீங்கியவுடன் சீதையைத் தேடுவதற்கு முயலாமல்
அந்தப்புரத்தில் உறங்கிக்கிடக்கின்றமையால் அவன் 'அன்னது ஓர்
அமைதியான்' எனப்பட்டான்.  அருள் - சுக்கிரீவன் எங்களிடம் அன்பு
காட்டும் விதம்.  பொன்னின் வார்சிலை - அழகானதும் நீண்டதுமான வில்
எனினும் அமையும்.                                             76

தாரை திரும்பிப் போதல்

     தாரை -தாரையானவள்;அயில்விழி -வேல்போன்ற கண்களையும்;
குமுதச் செவ்வாய் -செவ்வாம்பல் மலரையொத்த சிவந்த வாயையும்;சிலை
நுதல் -வில்லைப் போன்ற புருவத்தையும்;அன்னப் போக்கின் -அன்ன
நடையை ஒத்த நடையையும்;மயில் இயல் -மயிலைப் போன்ற சாயலையும்;
கொடித் தேர் அல்குல் -கொடிகளை யுடைய தேர்த்தட்டுப் போன்ற
அல்குலையும்;மணிநகை -முத்துப் போன்ற பற்களையும்;திணிவேய்
மென்தோள் -வலிய மூங்கில் போன்ற மெல்லி தோள்களையும்;குயில்
மொழி-குயிலின் குரலையொத்த சொல்லையும்;கலசக் கொங்கை -
பொற்கலசத்தைப் போன்ற முலைகளையும்;மின் இடை -மின்னல் போன்ற
இடையையும்;குமிழ் ஏர்மூக்கின் -குமிழ மலர்போன்ற எடுப்பான
மூக்கையும்;புயல் இயல் கூந்தல் - கருமேகத்தையொத்த கரிய கூந்தலையும்
உடைய;மாதர் குழாத்தோடும் -மகளிர் கூட்டத்துடனே;போனாள் -
திரும்பிச் சென்றாள்.

     உவமையணி.  தாரையுடன் சென்ற மகளிர்க்கே இவ்வனப்புகள்
அனைத்தையும் கூறித் தாரைக்கு ஒன்றும் அடைமொழி கூறாமல் அன்னவளின்
கைம்மைக்