சென்றுள்ள தூதர்களோடு;புகுதும் சேனையை -இனி வரும் வானர
சேனையை;நீ உடன் கொணருதி -நீ உன்னோடு அழைத்து வருக;என -
எனவும்; ஈண்டு இருத்தி - (அதுவரை நீ) இங்கேயே இருப்பாய்; எனா -
எனவும்;அனுமனை ஏயினன் -அனுமனுக்குக் கட்டளை யிட்டவனாய்;
நாயகன் இருந்துழி -தலைவனான இராமன் தங்கியிருந்த இடத்திற்கு;கடிது
நண்ணினான் -விரைந்து போகலானான்.

     தூதரின் - உருபு மயக்கம்.  இருந்த உழி என்பது இருந்துழி எனத்
தொக்கு வந்தது.  ஏயினன் - முற்றெச்சம்.                           118

சுக்கிரீவன் இராமனை அடைந்து தொழுதல்

     செங்கதிரோன் மகன் -சிவந்த ஒளிக்கற்றைகளையுடைய சூரியன்
மகனான சுக்கிரீவன்;சங்கை இல் -எப் பொருளிலும் ஐயம் திரிபு இல்லாத
(தூய மனமுடைய);இலக்குவன் தழுவி -இலக்குவனைத் தழுவிக் கொண்டு;
அங்கதன் உடன்செல -அங்கதன் தன்னுடன் வர வும்;அரிகள் முன் செல
-வானரங்கள் முன்னே செல்லவும்;மங்கையர் உள்ளமும் -(அன்புள்ள)
வானர மகளிரின் மனமும் பின் தொடர்ந்து வரவும்;வழியும் பின் செல -
கடந்தவழிகள் பின்னே தங்கி விடவும்;தம்முனின் -தமையனான
இராமனிடம்;கடிது சென்றனன் -விரைந்து சென்றான்.

     சுக்கிரீவனுடைய காதலுக்கு உரியர் ஆகலின் மகளிர் மனம் அவன் பின்
சென்றது என்றார்.  பின்செல: இரட்டுற மொழிதல் பின் தங்க பின்தொடர
என்னும் இருபொருள் தருதலால்.  தம்முன்: இராமனால் தம்பியாகக்
கருதப்பட்டவனாகலின் தம்முன் என்றார்.  அரசனுக்கு முன்பு வீரர்கள்
செல்வது மரபாதலின் 'அரிகள் முன்செல' என்றார்.                    119