ஒன்பதினாயிர கோடி யூகம் -ஒன்பதினாயிரங் கோடிக் குரக்குச்
சேனைகள்;தன் முன்செல பின்செல மருங்க மொய்ப்புற -தனக்கு
முன்னும் பின்னும் இருபக்கமும் நெருங்கி வரவும்;மன் பெருங் கிளைஞரும்
-மிகச் சிறந்த உறவினர்களாகிய வானரங்களும்;மருங்கு சுற்றுற -அருகில்
சூழ்ந்து வரவும்;மின் பொரு பூணினான் -மின்னல் போன்ற ஒளி விடுகின்ற
அணிகளை அணிந்த சுக்கிரீவன்;செல்லும் வேலையில் -(இராமன் இருக்கும்
இடத்திற்குப்) போகும் சமயத்தில். . .

     பின்செல மருங்கு மொய்ப்புற என்ற சொற்போக்கினால் சுக்கிரீவனுடன்
சென்ற பெரும் பரிவாரத்தின் இயல்பு புலனாகும்.  மருங்கு - பக்கம், மேல்
யூகம் - குரக்குப் படை.                                         120

     கொடி வனம் மிடைந்தன - கொடிகளின் தொகுதிகள் அடர்ந்து
நிறைந்தன;குமுறும் பேரியின் -முழங்குகின்ற பேரிகைக் கருவிகளின்;
இடிவனம் மிடைந்தன- இடி போன்ற ஒலித் தொகுதிகள் நிறைந்தன;
பணிலம் ஏங்கின -சங்குகள் ஒலித்தன;தயங்கு பூண் ஒளி -விளங்கு
கின்ற அணிகளின் ஒளியாகிய;தடி வனம் மிடைந்தன -மின்னலின்
தொகுதிகள் நிறைந்தன;பொடி வனம் எழுந்தன -(பூமியிலிருந்து) புழுதித்
தொகுதிகள் கிளம்பின;வானம் போர்த்த -இவையெல்லாம் வானத்தை
அளாவி மூடின.

     வனம் - இங்கே தொகுதி, மிகுதி என்னும் பொருளில் வந்துள்ளது.

     மிடைந்தன என்ற ஒரு சொல் பொருளில் பல முறை வந்தது.

     தடி - மின்னல்; தடித் என்ற வடசொல்லின் விகாரம் என்பர்.       121

     பொன்னினின் -பொன்னாலும்;முத்தினின் -முத்துக்களாலும்;புனை
மெல்தூசினின் -அழகிய மெல்லிய ஆடைகளாலும்;