குமுதனும் -குமுதன் என்னும் வீரனும்;கறங்கு போல்வன -காற்றாடி
போல விரைந்து செல்வனவும்;காற்றினும் கூற்றினும் கடிய -காற்றைக்
காட்டிலும் வேகம் உடையனவும், யமனைவிடக் கொடு மையுடையனவும்;
பிறங்கு தெண்திரை -விளங்குகின்ற தெளிவான அலைகளையுடைய;கடல்
புடை பெயர்ந்து எனப் பெயர்வ -கடல் இடம் விட்டு எழுந்தது போன்று
செல்வனவும்;மறம் கொள் வானரம் -வீரம் கொண்ட வானரங்கள்;ஒன்பது
கோடி எண் வகுத்த -ஒன்பது கோடியென்று கணக்கிடப்பட்டனவும்;திறம்
கோள் வெம்சினப் படை கொடு -மனவலியும் உடல் வன்மையும்
கடுமையான கோபமும் கொண்டனவுமான படைகளை உடன் கொண்டு;
சேர்ந்தான் -வந்து சேர்ந்தான்.

     கறங்கு - காற்றாடி; வானத்தில் சுழன்று செல்வதெனக் காரணக்
குறியாயிற்று.  கடிய - இரட்டுறமொழிதல்: காற்றினும் கூடிய கூற்றினும் கடிய
என வேகத்தையும் கொடுமையையும் குறித்தவாறு.                  16

     ஊழி பரவை பேரினும் -உலக முடிவுக் காலத்தில் கடல் பொங்கி(த்
தனது நிலையைவிட்டு)ப் பெயர்ந்து வந்தாலும்;உலைவு இல -
அழிவற்றனவாகிய;ஏழின் ஏழு நூறு ஆயிர கோடி என்று இசைந்த -
நாற்பத் தொன்பதினாயிரங் கோடி என்ற கணக்கோடு பொருந்திய;பாழி நல்
நெடுந்தோள் -வலிமை மிக்க அழகிய நீண்ட தோள்களோடு விளங்குகின்ற;
கிளர் படை கொண்டு -வானரப் படையை உடன் கொண்டு;உலகினில்
உயர்ந்த பூமி -பூமியிலிருந்து மேலே எழுந்த