நன்புலன் நடுக்குற -(அங்கே சென்ற வானர வீரர்கள்) நல்ல
ஐம்பொறிகளும் நடுங்கவும்;உணர்வு நைந்து அற -அறிவு தேய்ந்து
ஒழியவும்;பொன் பொலியாக்கைகள்-பொன் போல விளங்கும் உடல்கள்;
புழுங்கிப் பொங்குவார் -வியர்த்து மனம் கொதிப்பவர்களாய்;தென்புலம்
தங்கு -தெற்குத் திசையில் இருக்கின்ற;எரி நரகில் -(எமனது); எரியும்
நரகத்தில்;சிந்திய -விழுந்து வருந்துகின்ற;என்பு இல் பல் உயிர் என -
(எலும்பில்லாத உடம்பையுடைய) புழு முதலான பல உயிர்த்தொகுதிகளைப்
போல;வெம்மை எய்தினார் -கொதிப்பையடைந்தார்கள்.

     அங்கே சென்ற வானரர்கள் நிலத்தின் வெம்மையைப் பொறுக்க
முடியாமல் புழுத்துடிப்பதுபோலத் துடித்தார்கள் என்பது.  வானரர்கள்
வெயிலில் துடிப்பதற்கு என்பு இல் பல்லுயிர் துன்பப்படுவதை உவமை
கூறினார்.  தென்புலத்தவன்: எமன்.  என்பு இல் பல் உயிர்: புழுக்கள்.
'என்பிலதனை வெயில்போலக்காயுமே' - குறள்: 77                     23

     நீட்டிய நாவினர் -(அந்த வானரர்கள் நீர் வேட்கையால்) வெளியே
தொங்கிய நாக்கையுடையவர்களாயினர்;நிலத்தில் தீண்டுதோறு ஊட்டிய -
நிலத்தில் அடிவைக்கும் தோறும் கீழிருந்து தாக்கிய;வெம்மையால் -
வெப்பத்தால்;உலையும் காலினர் -கொப்புளம் கண்ட
அடிகளையுடையவர்களுமாயினர்;காட்டினும் காய்ந்து -அப்
பாலைவனத்தைக் காட்டிலும் மிகுதியாகச் சூடேறி;தம் காயம் தீதலால் -
தங்கள் உடம்பு கரிந்து தீய்ந்ததால்;சூட்டுஅகல்மேல் எழு பொரியின் -சூடு
கொண்ட சட்டியிலிருந்து மேலெழுகின்ற நெற்பொரிகள் போல;துள்ளினார் -
துடித்தார்கள்.

     மிகுந்த நீர் வேட்கையால் நாவை வெளியே நீட்டுதலும்,
பொறுக்கமுடியாத மிக்க வெப்பத்தால் கால்கள் கொப்புளித்தலும் இயல்பு.
நெருப்பினால்