வெம்மையடைந்த சட்டியில் நெல் பொரிந்து மேலெழுவதுபோல வானரவீரர்கள்
பாலைவனத்தின் மிக்க வெம்மையால் துடித்தார்கள் என்பதுஉவமையணி. 24 துன்புற்ற வானரர் பிலத்தில் புகுதல் | 4545. | ஒதுங்கல் ஆம் நிழல்
இறை காண்கிலாது, உயிர்
பிதுங்கல் ஆம் உடலினர்,
முடிவு இல் பீழையார்,
பதங்கள் தீப் பருகிடப்
பதைக்கின்றார், பல
விதங்களால், நெடும் பில
வழியில் மேவினார். |
(வானர வீரர்)ஒதுங்கலாம் நிழல் இறை காண்கிலாது -(வெயிலுக்கு)
ஒதுங்கக் கூடிய சிறிதளவு நிழலைக்கூடக் காணமாட்டாது;உயிர் பிதுங்கல்
ஆம் உடலினர் -உயிர் வெளியேறக் கூடிய உடலையுடையவர்களும்;முடிவு
இல் பீழையார் -எல்லையற்றதுன்பத்தையடைந்தவர்களும்;பதங்கள்
நீர்ப்பருகிடப் பதைக்கின்றார் -அடிகளில் (அப் பாலைவனத்தின்) சூடு
தாக்குவதால் துடிதுடிக்கின்றவர்களுமாய்;பல விதங்களால் -(அந்த
வெப்பத்திலிருந்து தப்புவதற்குப்) பல வகையிலும் முயற்சி செய்து முடிவாக;
நெடும் பில வழியில் -(அங்கே இருந்த) பெரிய பிலத் துவாரத்தின் வழியை;
மேவினார் -அடைந்தார்கள். வானரவீரர்கள் அந்தப் பாலைவனத்தில் ஒதுங்கித் தப்புவதற்குச் சிறு
நிழல் கூட அகப்படாமல் உயிர் நீங்கும் நிலையையடைந்து, முடிவாக அங்கே
காணப்பட்ட ஒரு பிலத்தின் வழியைச் சேர்ந்தனர் என்பது. பீழை: துன்பம்
பிதுங்கல்: வெளிப்படல். 25 | 4546. | ' 'மீச் செல அரிது இனி,
விளியின் அல்லது;
தீச் செல ஒழியவும்
தடுக்கும்; திண் பில -
வாய்ச் செலர் நன்று'
என, மனத்தின் எண்ணினார்;
போய்ச் சில அறிதும்'
என்று, அதனில் புக்கனர். |
இனி -இனிமேல்;விளியின் அல்லது -இறந்து விடுதலல்லாமல்;
மீச்செலவு அரிது -இதைக் கடந்து அப்பால் செல்லுதல் நமக்கு முடியாத
செயலாகும்;(ஆகையால்) திண் பிலம் வாய்ச் செலல் -வலிய பிலத்தின்
வழியே செல்லுதல்;தீச்செலவு ஒழியவும் தடுக்கும் - |