(அவர்கள்) எழுகிலர் -(அப்பாலே செல்ல) எழுந்து புறப்படாமலும்;
கால் எடுத்து ஏகும் எண்இலர் -அடிவைத்துச் செல்லும் கருத்தில்லாமலும்;
வழி உளது ஆம் எனும் -அப்பாலே செல்லுவதற்குரிய வழியுள்ளது
என்னும்;உணர்வு மாற்றினார் -உணர்வையும் மாற்றிக் கொண்டவர்களாய்;
இழுகிய நெய் எனும் -விழுதாக உறைந்த நெய் போன்ற;இருட்
பிழம்பினுள் -இருளின் தொகுதியில்;முழுகிய -மூழ்கி விட்ட;மெய்யர்
ஆய் -உடம்பையுடைவர்களாய்; (ஒருவர்க்கொருவர் இருப்பிடம் அறிந்து
கொள்ள முடியாமல்);உயிர்ப்பு முட்டினார் -(மனத்துயராலும் அச்சத்தாலும்)
பெருமூச்செறிந்தார்கள்.

     வானரவீரர் இருட்பிழம்பினுள் அகப்பட்டுக் கொண்டதால் மேற்கொண்டு
செய்யும் செயலில் நாட்டமில்லாது ஒருவரையொருவர் காணமுடியாது
திகைத்துப் பெருமூச்சுவிட்டார்கள் என்பது. உயிர்ப்பு முட்டுதல் :
மூச்சுமுட்டுதல் என்பது வழக்கு.                                     28

வானரர் வேண்டிக் கொண்டபடி,
அனுமன் அவர்களைக் கொண்டு செல்லுதல்

     செய்வது ஓர் நிலைமை -(அனுமனைத் தவிர மற்றைய வானர
வீரர்கள்) இன்னது செய்யவேண்டும் என்ற செயலையும்;ஓர்கிலர் நின்றனர் -
உணரமாட்டாது நின்றவர்களாய்;பொன்றினம் யாம் என -இறந்துவிட்டோம்
நாம் என்று;பொருமும் புந்தியர் -வருந்துகின்ற மனமுடையவர்களுமாகி;
வன்திறல் மாருதி -(அனுமனை நோக்கி) மிக்க வலிமையுடைய அனுமானே!
இன்று -இப்பொழுது;எமை இது காக்க வல்லையோ -எங்களை
இத்துயரத்திலிருந்து காப்பதற்கு வல்ல மையுடையையோ என்று முறையிட்டு;
இரந்து கூறினார் -வேண்டிக் கொண்டார்கள்.

     இருள் தொகுதியில் அகப்பட்டுக் கொண்ட அந்த வானரவீரர் தம்மை
இறந்து போனவர்களாகவே கருதி வருத்தமுற்று அனுமனை விளித்து, 'இன்று