மகிழ்ச்சி மிகுதிக்குக் குன்று உவமை; உருவத்திற்குக் கூறப்படும் உவமை
இங்கு எல்லையற்ற மகிழ்ச்சியான உணர்ச்சிக்காயிற்று. 54 இராமபிரான் பற்றிச் சுயம்பிரபை கேட்க,அனுமன் விடை பகர்தல் | 4575. | 'எவ் உழை இருந்தனன்
இராமன்?' என, யாணர்ச்
செவ் உழை நெடுங்
கண் அவள் செப்பிடுதலோடும்,
அவ் உழை, நிகழ்ந்ததனை
ஆதியினொடு அந்தம்,
வெவ் விழைவு இல் சிந்தை
நெடு மாருதி விரித்தான். |
இராமன் -இராமபிரான்;எவ் உழை இருந்தனன் -எவ்விடத்தில்
இருக்கின்றான்?என-என்று;யாணர்ச் செவ் உழை -புதுமையான அழகிய
மான்போன்ற;நெடுங் கண்ணவள் -நீண்ட கண்களையுடைய அந்தச்
சுயம்பிரபை;செப்பிடுதலோடும் -(அனுமனை நோக்கிக்) கேட்டவுடனே;
வெவ் விழைவு இல் -கொடிய ஆசையில்லாத;சிந்தை நெடு மாருதி -
மனத்தையுடைய பெருமை வாய்ந்த அனுமன்;அவ்உழை நிகழ்ந்ததனை -
அங்கு (இராமனிடத்து) நிகழ்ந்த செய்திகளை;ஆதியினொடு அந்தம்
விரித்தான் -முதலிலிருந்து முடிவுவரை விரித்துச் சொன்னான். ஆசையென்பது நல்வழியிற் செல்லவொட்டாது மனத்தைத் தீயவழியிற்
புகுத்தலால் 'வெவ் விழைவு' எனப்பட்டது. 55 சுயம்பிரபை தன் வரலாறு கூறுதல் | 4576. | கேட்டு, அவளும், 'என்னுடைய கேடு
இல் தவம் இன்னே
காட்டியது வீடு!' என விரும்பி,
நனி கால் நீர்
ஆட்டி, அமிழ்து அன்ன சுவை
இன் அடிசில் அன்போடு
ஊட்டி, மனன் உள் குளிர,
இன் உரை உரைத்தான். |
கேட்டு -(அனுமன் கூறிய இராமனது வரலாறு முழுவதும்) கேட்டு;
அவளும் -அந்தச் சுயம்பிரபையும்;என்னுடைய கேடுஇல் தவம் -நான்
செய்த கெடுதல் இல்லாத தவம்;இன்னே வீடு காட்டியது -இப்பொழுதுதான்
சாப நீக்கத்தை உண்டாக்கியது;என -என்று சொல்லி;விரும்பி -அந்த
வானரவீரரிடம் அன்பு பூண்டு;கால் நீர் |