(இவையேயல்லாமல்) இன்னும் அணிகள் முதலியன யாவும் உள்ளன;
பெற்றேன் -இவையனைத்தையும் நான் அடைந்துள்ளேன்; (என்றாலும்)
அவை முற்றும் அற விட்டு -அவற்றைத் துய்க்காமல் எல்லாப்
பற்றுக்களையும் நீக்கி;வினை வெல்வான் -(என்) தீவினையை வெல்லும்
பொருட்டு;எண்ண அரிய பல்பகல் -எண்ணுவதற்கு அரிய நெடுங்காலமாக;
இருந்தவம் இழைத்தேன் -பெருந்தவத்தைச் செய்தேன். இன்பத்திற்குரிய பல பொருள்கள் இந் நகரில் இருந்தும், எனது சாபம்
நீங்குமாறு பல காலமாகப் பெருந்தவம் புரிந்து கொண்டிருந்தேன் என்று
சுயம்பிரபை கூறினாள் என்பது. ஓகாரம்: பிரிநிலை. அண்ணல்: அண்மைவிளி.
64 | 4585. | 'ஐ - இருபது ஓசனை
அமைந்த பிலம், ஐயா!
மெய் உளது; மேல் உலகம்
ஏறும் நெறி காணேன்;
உய்யும் நெறி உண்டு,
உதவுவீர்எனின்; உபாயம்
செய்யும்வகை சிந்தையில்நினைத்திர்,
சிறிது' என்றாள். |
ஐயா -பெரியவனே! அமைந்த பிலம் -பொருந்திய இக் குகைத்
துவாரமானது;ஐ இருபது ஓசனை மெய் உளது -நூறு யோசனை விரிந்த
வடிவு கொண்டது;மேல் உலகம் ஏறு நெறி காணேன் -வானுலகத்திற்கு
ஏறிச் செல்லும் வழியை அறியேன்;உதவுவீர் எனின் -(நீங்கள் எனக்கு)
உதவி செய்வீர்களென்றால்;உய்யும் நெறி உண்டு -(நான்) ஈடேறுவதற்கு
வழிஏற்படும்;உபாயம் செய்யும் வகை -அதற்கான உபாயம் செய்யும்
விதத்தை;சிந்தையில் சிறிது நினைத்திர் -உங்கள் மனத்தில் சிறிது
கருதுங்கள்;என்றாள் -என்று கூறினாள் (சுயம்பிரபை). இந்தப் பிலம் நூறு யோசனை பரப்புள்ளதாய் இருள் அடர்ந்திருப்பதால்
மேலே ஏறிச் செல்லும்வழி இதுவென் தெரியாதபடி இந்திரனது சாபம்
என்னைத் தடை செய்கிறது; என் சாபவிடைக் காலம் குறுகி உங்கள்
வருகையால் நான் ஈடேறும் வகையும் உள்ளது. ஆதலால், அவ்வாறான
உபாயத்தைச் செய்ய வேண்டுமென்று அனுமன் முதலியோரைச் சுயம்பிரபை
வேண்டினான் என்பது. 65 அனுமன் மறுமொழி | 4586. | அன்னது சுயம்பிரபை
கூற, அனுமானும்
மன்னு புலன் வென்று
வரு மாதுஅவள் மலர்த்தாள் |
|